विद्यापीठ प्रशासन गुणवत्ता सुधारण्यात नाही; तर राजकीय कार्यक्रमात व्यस्त

एज्युवार्ता न्यूज नेटवर्क

सावित्रीबाई फुले पुणे विद्यापीठाची (Savitribai Phule Pune University) 2025 च्या 'एनआयआरएफ रँकिंग'मध्ये (NIRF ranking decline)  मोठी घसरण झाली असून 2018 साली देशातील सर्व शैक्षणिक संस्थांमध्ये 16 व्या स्थानी असलेलs हे विद्यापीठ 2025 मध्ये तब्बल 91 व्या स्थानापर्यंत खाली घसरलं आहे. विद्यापीठ प्रशासन (Pune University Administration) रखडलेली प्राध्यापक भरती, विद्यार्थ्यांच्या वसतिगृहाच्या समस्या, विद्यापीठाच्या आवारातील वाढता राजकीय हस्तक्षेप यासारख्या समस्यांवर काम करायचे सोडून विद्यापीठात राजकीय कार्यक्रम भरविण्यात व्यस्त असल्याचा आरोप राष्ट्रवादी काँग्रेस (शरदचंद्र पवार) पक्षाचे आमदार रोहित पवार (MLA Rohit Pawar) यांनी केला आहे. 

स्त्री साक्षरता : अज्ञानरूपी अंधःकाराविरुद्धची सामूहिक लढाई..

विद्यापीठ प्रशासनाने गुवणत्ता सुधारण्याकडे दुर्लक्ष केल्याने याचा फटका महाराष्ट्रातील सर्वसामान्य विद्यार्थ्यांना बसत आहे. दर्जेदार शिक्षण मिळवून देण्यासाठी विद्यापीठाचा दर्जा वाढणे गरजेचे आहे. राज्य शासनाने आणि विद्यापीठ प्रशासनाने आता तरी शहाणं व्हावं आणि योग्य उपाययोजना कराव्यात, असे आमदार रोहित पवार यांनी आपल्या 'एक्स' या सोशल मिडिया अकाउंटवर म्हटले आहे.
_____________________________________

"निवृत्त प्राध्यापकांच्या जागी नवीन नियुक्त्या झालेल्या नाहीत. याचा थेट परिणाम विद्यार्थी-शिक्षक गुणोत्तरावर झाला आहे. प्राध्यापकांच्या निवृत्तीमुळे शोधनिबंधांची संख्या घटली आहे. त्यामुळे क्रमवारीवर परिणाम झाला आहे. या आव्हानांवर मात करण्यासाठी विद्यापीठाने सकारात्मक पावले उचलली आहेत. सार्वजनिक प्रतिमा निर्मितीवरही लक्ष केंद्रित करण्यात येत आहे." ,असे सावित्रीबाई फुले पुणे विद्यापीठ प्रशासननाने प्रसारमाध्यमांना कळविले आहे. 
_______________________________________

सावित्रीबाई फुले पुणे विद्यापीठ 2018 मध्ये 16 व्या क्रमांकावर आपले होते. त्यानंतर क्रमवारी टिकवण्यासाठी तत्कालीन कुलगुरूंनी प्रयत्न केले. परंतु आता 37 वरून डायरेक्ट 91 नंबर आपण फेकलो गेलो आहे. हे खूप चिंताजनक आहे. गौरवशाली इतिहास असलेल्या पुणे विद्यापीठाला अधोगतीकडे घेऊन जाण्यास जबाबदार असलेल्या सर्व वरिष्ठ अधिकाऱ्यांनी नैतिक जबाबदारी स्वीकारून आपल्या पदाचा राजीनामा द्यावा.

- पँथर राहुल ससाणे,आंबेडकरी विद्यार्थी कार्यकर्ता