इयत्ता ४थी व ७वी शिष्यवृत्ती परीक्षेचा अर्ज भरण्यासाठी 'या' तारखेपर्यंत मुदतवाढ

एज्युवार्ता न्यूज नेटवर्क

महाराष्ट्र राज्य परीक्षा परिषदेमार्फत (Maharashtra State Examination Council) घेण्यात येणारी इयत्ता ४थी व इयत्ता ७वी शिष्यवृत्ती परीक्षा (Class 4th and Class 7th Scholarship Exam-2026) २०२६ अद्याप अर्ज न केल्या विद्यार्थ्यांसाठी आणि पालकांसाठी महत्त्वाची अपडेट समोर आली आहे. शिष्यवृत्ती अर्ज भरण्यासाठी मुदतवाढ (Extension of deadline for filling application form) देण्यात आली असून आता २८ फेब्रुवारीपर्यंत अर्ज भरता (Deadline until February 28th) येणार आहे. या निर्णयामुळे अद्याप अर्ज न केलेल्या विद्यार्थी व पालकांना दिलासा मिळणार नाही. 

परीक्षा परीषदेमार्फत प्राथमिक शिष्यवृत्ती परीक्षा इयत्ता ४थी आणि उच्च प्राथमिक शिष्यवृत्ती परीक्षा इयत्ता ७वी या दोन्ही परीक्षा एकाच दिवशी घेण्यात येणार आहेत. त्यासाठी तारीख देखील निश्चित करण्यात आली आहे, त्यानुसार ही परीक्षा २६ एप्रिल २०२६ रोजी राज्यातील सर्व जिल्ह्यांमध्ये एकाच दिवशी घेण्यात येणार आहे. याबाबत मार्गदर्शक सूचना अधिकृत संकेतस्थळावर प्रसिद्ध करण्यात आल्या आहेत. 

पूर्वी जाहीर केलेल्या वेळापत्रकानुसार शाळा नोंदणी व विद्यार्थी ऑनलाइन आवेदनपत्र भरण्याची मुदत ३० डिसेंबर २०२५ ते १३ फेब्रुवारी २०२६ अशी होती. मात्र काही शाळांकडून तांत्रिक अडचणी व इतर कारणांमुळे अर्ज भरण्यास विलंब होत असल्याची माहिती परिषदेला प्राप्त झाली होती. शाळांच्या मागणीनुसार ही दुसरी व अंतिम मुदतवाढ जाहीर करण्यात आली आहे. शाळांनी दिलेल्या नव्या मुदतीत आवश्यक कागदपत्रांसह विद्यार्थ्यांची नोंदणी पूर्ण करावी, असे आवाहन परिषदेचे अध्यक्ष डॉ. नंदकुमार बेडसे यांनी प्रसिद्ध पत्राद्वारे केले आहे.