ना परीक्षा,ना मुलाखत;'इंडियन ऑइल'मध्ये २७०० जागांसाठी भरती

एज्युवार्ता न्यूज नेटवर्क 

नोकरीच्या शोधात असलेल्या तरुणांसाठी महत्त्वाची बातमी समोर आली आहे. इंडियन ऑइलमध्ये (Indian Oil Recruitment) विविध पदांसाठी थेट भरती प्रक्रिया सुरू (Recruitment process begins) झाली असून पात्र आणि इच्छुक उमेदवारांकडून अर्ज मागवण्यात आले आहेत. तुम्ही १२वी पास आणि आयटीआय, डिप्लोमा आणि ग्रॅज्युएशन (12th pass and ITI, Diploma and Graduation qualification) पूर्ण केलं असलं तर ही तुमच्यासाठी उत्तम संधी आहे. इंडियन ऑइल कॉर्पोरेशन लिमिटेडमध्ये अप्रेंटिसशिप पदासाठी भरती जाहीर करण्यात आली आहे. अर्ज करण्याची अंतिम मुदत १८ डिसेंबर २०२५ पर्यंत असणार आहे. 

इंडियन ऑइलमध्ये २७०० पदांसाठी भरती जाहीर करण्यात आली आहे. चांगल्या कंपनीत नोकरी करण्याची ही उत्तम संधी आहे. या नोकरीसाठी अर्जप्रक्रिया सुरु झाली आहे. इंडियन ऑइलमधील ही भरती ९ रिफाइनरी युनिटमध्ये होणार आहे. या नोकरीसाठी उमेदवारांची निवड कोणत्याही परीक्षेशिवाय होणार आहे. तुमची निवड थेट मेरिट बेसिसवर होणार आहे.

हेही वाचा - डाॅ. बाबासाहेब आंबेडकर विद्यीपीठाची प्रवेश प्रक्रिया लांबणीवर

इंडियन ऑइलमध्ये २ हजार ७५६ पदांसाठी भरती केली आहे. या नोकरीसाठी अर्ज करण्याची शेवटची तारीख १८ डिसेंबर २०२५ आहे. १८ ते २४ वयोगटातील उमेदवारांना या भरती प्रक्रियेत सहभागी होता येणार आहे. उमेदवारांना अर्ज करण्यासाठी इंडियन ऑइलचे अधिकृत संकेतस्थळ iocl.com वर जाऊन अर्ज करावा लागेल. 

शैक्षणिक पात्रता - 

या भरतीसाठी विविध पदे भरली जाणार आहेत. त्यामुळे त्यासाठी लागणारी शैक्षणिक पात्रता ही वेगवेगळी असणार आहे. ट्रेड अप्रेंटिस पदासाठी (मॅथ्स, फिजिक्स, केमिस्ट्री, इंडस्ट्रीयल केमिस्ट्री) मध्ये ३ वर्षांचा बी एससी केलेली असावी. टेक्निशियन अप्रेंटिस पदासाठी ३ वर्षांचा डिप्लोमा केलेला असावे. ट्रेड अप्रेंटिस डेटा एंट्री ऑपरेटर पदासाठी १२वी पास असणे गरजेचे आहे.

'असा' करता येणार उमेदवारांना अर्ज ?

सर्व प्रथम उमेदवारांना इंडियन ऑइलचे अधिकृत संकेतस्थळ iocl.com वर जावे लागेल. यानंतर करिअर सेक्शनवरी अप्रेंटिसशिपवर जायचे आहे. यानंतर तुम्हाला Click Here to Register/Apply on NATS/NAPS Portal NATS, NAPS वर क्लिक करायचे आहे. यानंतर तुम्हाला ज्या ठिकाणी अर्ज करायचे आहे तिथे फॉर्म भरायचा आहे. तुमची सर्व माहिती भरा. शैक्षणिक कागदपत्रे अपलोड करा. यानंतर फोटो आणि सही अपलोड करावीत. यानंतर फॉर्मची प्रिंट आउट काढून तुमच्याजवळ ठेवा.