पालिकेचे शिक्षक 4 महिन्यापासून वेतनाच्या प्रतीक्षेत; दिवाळी गोड होणार का ?
पुण्यासह राज्यभरात शिक्षकांच्या रिक्त पदांचा प्रश्न गंभीर आहे.त्यामुळे पुणे महापालिका प्रशासनाने कंत्राटी पद्धतीवर शिक्षकांची नियुक्ती केली आहे. परंतु, या शिक्षकांना नियमित वेतन अदा करण्यात पालिका प्रशासन अकार्यक्षम ठरल्याचे दिसत आहे.
eduvarta@gmail.com 
एज्युवार्ता न्यूज नेटवर्क
पुणे महानगरपालिकेतील शाळांमध्ये (Schools in Pune Municipal Corporation) कंत्राटी पद्धतीवर काम करणाऱ्या सुमारे 110 शिक्षकांची (About 110 teachers working on contract basis) दिवाळी गोड होणार का? अशी चिंता या शिक्षकांना (teachers) लागली आहे कारण सुमारे चार महिन्यांपासून हे शिक्षक वेतनाच्या प्रतीक्षेत आहेत. (Waiting for salary) शिक्षण विभागाकडून (Department of Education) निवेदन अदा करण्याबाबत हालचाली सुरू असल्या तरी ऑगस्ट महिन्यापर्यंतचे वेतन मिळेल असे चिन्ह दिसत आहेत. परंतु, दिवाळीनिमित्ताने रखडलेल्या सर्व महिन्यांचे वेतन मिळावे, अशी अपेक्षा शिक्षकांकडून व्यक्त केली जात आहे.
पुण्यासह राज्यभरात शिक्षकांच्या रिक्त पदांचा प्रश्न गंभीर आहे.त्यामुळे पुणे महापालिका प्रशासनाने कंत्राटी पद्धतीवर शिक्षकांची नियुक्ती केली आहे. परंतु, या शिक्षकांना नियमित वेतन अदा करण्यात पालिका प्रशासन अकार्यक्षम ठरल्याचे दिसत आहे. कंत्राटी शिक्षकांनी केलेल्या मागणीनंतर काही शिक्षकांना जून महिन्याचे वेतन देण्यात आले आहे. बँक अकाउंट नंबर संदर्भातील तांत्रिक अडचणीमुळे जून महिन्याचे वेतनही काही शिक्षकांना मिळालेले नाही. परंतु, जुलै-ऑगस्ट महिन्याचे वेतन देण्याची प्रक्रिया राबवली जात असल्याचे पालिकेतील शिक्षणाधिकाऱ्यांकडून सांगितले जात आहे. मात्र, ऑक्टोबर महिना उजाडला तरीही अजून जुलै-ऑगस्ट महिन्याचे पेमेंट का दिले जात नाही असा प्रश्न निर्माण होतो.
पुणे महानगरपालिकेच्या माध्यमिक शिक्षणाधिकारी आशा उबाळे (Pune Municipal Corporation Secondary Education Officer Asha Ubale) म्हणाल्या, या कंत्राटी शिक्षकांनी मानधन वाढीची मागणी केली होती. मानधन वाढीचा प्रस्ताव प्रशासनाकडे सादर करण्यात आला होता. परंतु, त्यास अद्याप मंजुरी मिळाली आहे. त्यामुळे संबंधित शिक्षकांना यापूर्वी मंजूर करण्यात आलेल्या मानधनानुसार वेतन अदा करण्याची प्रक्रिया सुरू आहे. पुढील काही दिवसात सर्व महिन्यांचे वेतन शिक्षकांना अदा केले जाईल. बँकेत रक्कम जमा होण्यात काही तांत्रिक अडचणी येत असल्यामुळे आता धनादेशाद्वारे वेतन जमा केले जाईल.
राज्यात एकीकडे समान काम समान वेतनाप्रमाणे शिक्षकांना पगार दिला जात नाही.तर दुसरीकडे पुणे महानगरपालिका माध्यमिक विभागातील मानधन तत्वावरील शिक्षक गेल्या चार महिन्यापासून मानधनाविना काम करत आहेत यास महानगरपालिकेचा शिक्षण विभाग आणि प्रशासनाचा ढिसाळ कारभार कारणीभूत आहे. तसेच कायमस्वरूपी शिक्षकांप्रमाणेच काम करणाऱ्या मानधन शिक्षकांची जाण ठेवून मानधन तात्काळ द्यावे, अशी मागणी भ्रष्टाचार विरोधी जन आक्रोश संघटनेचे राज्य उपाध्यक्ष सुरेश सावळे यांनी केली आहे.
