तब्बल 18 मुलांना घेऊन जाणारी स्कूल बस नदीत कोसळली
प्राथमिक माहितीनुसार, बसचे स्टेअरिंग अचानक बिघडल्यामुळे वाहन पाण्यात पडले असल्याचा अंदाज व्यक्त केला जात आहे.
eduvarta@gmail.com 
एज्युवार्ता न्यूज नेटवर्क
छत्तीसगडमधील सक्ती जिल्ह्यात (Chhattisgarh, sakti) बुधवारी (दि. २३) अठराहून अधिक मुलांना घेऊन जाणारी खासगी शाळेची बस सोन नदीत कोसळल्याची घटना घडली. (A private school bus fell into the Son river) हासोद येथील (hasod) शाळकरी मुलांनी भरलेली बस (A bus full of school children) शाळेच्या दिशेने जात असताना छोटा पूल ओलांडत असताना अचानक ही बस नदीत कोसळली.
सुदैवाने, नदीच्या काठावर अनेक स्थानिक लोक अंघोळ करत होते. तर कोणी कपडे धुत होते, त्यांनी झपाट्याने पोहत बसच्या दिशेने धाव घेतली आणि बचाव कार्य सुरु केले. त्यामुळे जीवितहानी टळली. यावेळी शाळकरी मुले घाबरलेल्या अवस्थेत होती.मात्र गावकऱ्यांच्या मदतीने मुलांना वाचवण्यात यश आले आहे.
दरम्यान, पोलिस प्रशासन अपघाताच्या कारणाचा शोध घेत आहेत, जुलैमध्ये सर्व शालेय वाहनांची तपासणी करण्यात आली असली तरी सर्व मुख्याध्यापकांना आता वैयक्तिकरित्या शालेय वाहनांची प्रत्यक्ष पडताळणी करण्याच्या सूचना दिल्या जात आहेत.
प्राथमिक माहितीनुसार, बसचे स्टेअरिंग अचानक बिघडल्यामुळे वाहन पाण्यात पडले असल्याचा अंदाज व्यक्त केला जात आहे. या घटनेनंतर मुलांना तातडीने रुग्णालयात दाखल करण्यात आले असून त्यांच्यावर प्राथमिक उपचार करण्यात आले आहेत.
