पुणे विद्यापीठ : NIRF रँकिंग घसरल्याने वरिष्ठ अधिकाऱ्यांच्या राजीनामा मागणीला जोर..
या बैठकीत प्रामुख्याने वसतिगृहाचे प्रश्न मांडण्यात येणार आहेत. यामध्ये दुहेरी पदव्युत्तर शिक्षण घेणाऱ्या ६० विद्यार्थ्यांना प्रश्न ऐरणीवर असणार आहे. एनआयआरएफ ने नुकत्याच प्रसिद्ध केलेल्या रँकिंगमध्ये विद्यापीठाची झालेली घसरण. मागील काही वर्षांपासून रखडलेली प्राध्यापक भरती आणि काही प्रमाणात पूर्ण झालेल्या भरतीमध्ये झालेला कथित घोटाळा यांसारख्या प्रश्नावर या बैठकीत विशेष भर दिला जाणार असल्याचे दिसून येत आहे
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठ (Savitribai Phule Pune University) 2018 मध्ये 'एनआयआरएफ रँकिंग'मध्ये (NIRF Ranking) 16 व्या क्रमांकावर होते. त्यानंतर क्रमवारी टिकवण्यासाठी तत्कालीन कुलगुरूंनी प्रयत्न केले. परंतु मागील वर्षी 37 व्या क्रमांकावर असलेले विद्यापीठ यंदा मात्र डायरेक्ट 91 क्रमांकावर फेकलो गेले आहे. हे अतिशय चिंताजनक आहे. गौरवशाली इतिहास असलेल्या पुणे विद्यापीठाला अधोगतीकडे घेऊन जाण्यास जबाबदार असलेल्या सर्व वरिष्ठ अधिकाऱ्यांनी नैतिक जबाबदारी स्वीकारून आपल्या पदाचा राजीनामा (Demand for Combined resignation) द्यावा, अशा मागणीला आता जोर वाढला आहे.
त्या पार्श्वभूमीवर सावित्रीबाई फुले पुणे विद्यापीठात व्यवस्थापन परिषद सदस्यांची बैठक आज ९ सप्टेंबर २०२५ रोजी दुपारी ३ वाजता विद्यापीठाच्या मुख्य इमारतीच्या सभागृहात होणार आहे. या बैठकीमध्ये सर्व व्यवस्थापन परिषद सदस्यांनी विद्यार्थ्यांच्या विविध प्रश्नांवरती आवाज उठवावा, असे आवाहन पुणे विद्यापीठ विद्यार्थी संघर्ष कृती समितीचे राहुल ससाणे यांनी व्यक्त केले आहे. त्यामुळे ही बैठक काही प्रमाणात वादळी होण्याची शक्यता वर्तवण्यात येत आहे. या बैठकीत प्रामुख्याने वसतिगृहाचे प्रश्न मांडण्यात येणार आहेत. यामध्ये दुहेरी पदव्युत्तर शिक्षण घेणाऱ्या ६० विद्यार्थ्यांना प्रश्न ऐरणीवर असणार आहे. एनआयआरएफ ने नुकत्याच प्रसिद्ध केलेल्या रँकिंगमध्ये विद्यापीठाची झालेली घसरण. मागील काही वर्षांपासून रखडलेली प्राध्यापक भरती आणि काही प्रमाणात पूर्ण झालेल्या भरतीमध्ये झालेला कथित घोटाळा यांसारख्या प्रश्नावर विशेष भर दिला जाणार असल्याचे दिसून येत आहे.
शासकीय वैद्यकीय महाविद्यालयात मोठी भरती; येत्या पंधरा दिवसात होणार भरती..
________________________________________________________
नॅशनल इन्स्टिटयूशनल रँकिंग फ्रेमवर्क (NIRF) जाहीर झाले.त्यात सावित्रीबाई फुले पुणे विद्यापीठाचे रँकिंग चांगलेच कमी झाले आहे. विद्यापीठाच्या वैभवशाली परंपरेतील हा काळा दिवस आहे.एके काळी 'ऑक्सफर्ड ऑफ द ईस्ट' अशी सावित्रीबाई फुले पुणे विद्यापीठाची ओळख होती.पण ही ओळख सध्याच्या विद्यापीठ प्रशासनातील अधिकाऱ्यांनी आणि विद्यापीठाच्या अधिकार मंडळातील सदस्यांनी धुळीत मिळवली आहे. त्यामुळे सर्व व्यवस्थापन परिषद सदस्य आणि अधिसभा सदस्य यांनी तात्काळ सामूहिक राजीनामे द्यावेत.
कल्पेश यादव, युवासेना सहसचिव
