मोठा निर्णय आशाताईंच्या नावाने संगीत अकॅडमी पदभरती सुधारणा, स्किल टेक विद्यापीठ स्थापन होणार

एज्युवार्ता  न्यूज नेटवर्क

राज्य सरकारच्या कॅबिनेट बैठकीत (Cabinet Meeting) अनेक महत्त्वाचे निर्णय घेण्यात आले आहेत. त्यामध्ये, आशाताईं भोसले यांच्या नावाने संगीत अकॅडमीसह (Music Academy) पदभरती प्रक्रियेत सुधारणा (Recruitment Reforms), मुंबईत आयईएस स्किल टेक विद्यापीठाच्या (Skill Tech University) स्थापनेसह आठ महत्त्वाचे निर्णय घेण्यात आले आहेत. मुख्यमंत्री देवेंद्र फडणवीस (Devendra Fadnavis) यांच्या अध्यक्षतेखाली आज मंत्रिमंडळ बैठक पार पडली. 

शासन सेवेतील पदांच्या भरती प्रक्रियेत सुधारणा करण्यात येणार आहे. विकसित महाराष्ट्र २०४७ च्या व्हिजन डॉक्युमेंटला अनुसरून कृती आराखडा तयार करण्यात येईल. एमपीएससीच्या माध्यमातून घेणाऱ्या विविध सेवांतर्गत संवर्गांची संख्या ५३ वरून १५३ नेण्याचा निर्णय घेण्यात आला आहे. संयुक्त परीक्षा योजनेमध्ये नव्याने काही सेवांचा समावेश करण्यात येणार आहे. भरती प्रक्रीया सुलभ करण्याचा निर्णय घेण्यात आला आहे. युपीएससीच्या धर्तीवर महाजॉब्स पोर्टलद्वारे निपुण सेतू उपक्रम राबविणार येणार असल्याचा निर्णय आजच्या मंत्रिमंडळ बैठकीत घेण्यात आला आहे. 

मुंबईत आयईएस स्किल टेक विद्यापीठ स्थापनेस मंजुरी देण्याचा निर्णय घेण्यात आला आहे. कायम स्वयंअर्थसहाय्यित खाजगी कौशल्य विद्यापीठाच्या स्थापनेमुळे कुशल मनुष्यबळ विकासाला चालना मिळणार आहे.  राज्यातील वैद्यकीय शिक्षण प्रणाली, नर्सिंग सेवा आणि आरोग्य सेवा वितरण यंत्रणा अधिक सक्षम करण्यात येणार आहे. सशक्तीकरण प्रकल्प राबविण्यासाठी जपान इंटरनॅशनल को-ऑपरेशन एजन्सी (JICA) कडून ३ हजार ७०८ कोटींची वित्तीय सहाय्य उपलब्ध होणार आहे, यासारखे निर्णय आजच्या मंत्रिमंडळ बैठकीत घेण्यात आले आहेत.