महाज्योतीकडून प्रशिक्षण पूर्व चाळणी परीक्षेचे वेळापत्रक जाहीर, विद्यार्थ्यांसाठी महत्त्वाच्या सूचना 

एज्युवार्ता न्यूज नेटवर्क

महात्मा ज्योतिबा फुले संशोधन व प्रशिक्षण संस्था (महाज्योती) अंतर्गत स्पर्धा परीक्षेच्या प्रशिक्षणाची (Competitive exam preparation) तयारी करणाऱ्या विद्यार्थ्यांसाठी महत्त्वाची अपडेट (Important update for students) समोर आली आहे. महाज्योतीने परीक्षा पूर्व ऑनलाईन प्रशिक्षणासाठी घेण्यात येणाऱ्या चाळणी परीक्षेसाठीचे वेळापत्रक प्रसिद्ध (Exam schedule released) केले आहे. त्याचबरोबर विद्यार्थ्यांना काही महत्त्वाच्या सूचना (Important instructions)देखील देण्यात आल्या आहेत.

महाज्योतीने प्रसिद्ध केलेल्या वेळापत्रकानुसार, २८ फेब्रुवारी २०२६ रोजी सकाळच्या सत्रात १० ते १२ या वेळेत रेल्वे भरतीसाठी प्रशिक्षण पूर्व चाळणी परीक्षा घेण्यात येणार आहे. ही परीक्षा २ तासांची असणार आहे. तर २८ फेब्रुवारी रोजीच दुपारच्या सत्रात २ ते ४ या वेळेत महाराष्ट्र अभियांत्रिकी सेवा (MES) यासाठी चाळणी परीक्षा घेण्यात येणार आहे. ही परीक्षे देखील २ तासांची असणार आहे. 

त्याचबरोबर १ मार्च २०२६ रोजी सकाळच्या सत्रात १० ते १२ या वेळेत IBPS-PO/Banking/LIC/AAO यासाठी चाळणी परीक्षा घेण्यात येणार आहे. तर दुपारच्या सत्रात २ ते ४ या वेळेत कर्मचारी निवड आयोग (SSC-CGL) साठी परीक्षा घेणार आहेत. दोन्ही परीक्षांचे वेळ हा १२० मिनिटांचा असणार आहे. 

महाज्योतीकडून विद्यार्थ्यांना प्रवेशपत्राकरीत काही सूचना देखील देण्यात आल्या आहेत. विद्यार्थ्यांना चाळणी परीक्षेसाठी प्रवेश पत्र डाऊनलोड करण्याचा कालावधी ठरवून देण्यात आला आहे. चाळणी परीक्षेच्या तीन दिवसांपूर्वी महाज्योतीचे अधिकृत संकेतस्थळ  www.mahajyoti.org.in वर उपलब्ध करून देण्यात येणार आहे. परीक्षा ही संगणकाच्या सहाय्याने (CBT) बहुपर्यायी पद्धतीने होईल. फक्त अर्ज केलेल्याच विद्यार्थ्यांची चाळणी परीक्षा घेण्यात येणार असल्याचे महाज्योतीकडून स्पष्ट करण्यात आले आहे.