एमपीएससी गट-ब परीक्षेचा निकाल प्रसिद्ध, यंदा 'रेकॉर्ड ब्रेक कटऑफ'
आयोगामार्फत एकूण 479 पदांसाठी ही परीक्षा 2 फेब्रुवारी 2025 रोजी घेण्यात आली होती. तीन महिने होत आले तरी महाराष्ट्र गट-ब (अराजपत्रित) सेवा संयुक्त पूर्व परीक्षेचा निकाल रखडल्याने विद्यार्थी नाराज होते. अखेर या निकालाची प्रतीक्षा संपली आहे. या परीक्षेद्वारे सहायक कक्ष अधिकारी, राज्य कर निरीक्षक आणि पोलिस उपनिरीक्षक पदांसाठी भरती होणार आहे.
eduvarta@gmail.com 
एज्युवार्ता न्यूज नेटवर्क
महाराष्ट्र लोकसेवा आयोगामार्फत (Maharashtra Public Service Commission) घेण्यात आलेल्या महाराष्ट्र गट-ब (अराजपत्रित) सेवा संयुक्त पूर्व परीक्षेचा निकाल (Group-B (Non-Gazetted) Services Combined Preliminary Examination Result) आज अखेर, सोमवारी १९ मे रोजी आयोगाच्या संकेतस्थळावर प्रसिद्ध करण्यात आला आहे. मात्र, यंदाच्या निकालाने सर्व रेकॉर्ड तोडले आहेत. यंदाचा कट ऑफ सर्वोच्च लागला आहे. गेल्या काही दिवसांपासून परीक्षार्थी या निकालाची वाट पाहत होते. त्याचा निकाल आज प्रसिद्ध (Results published) करण्यात आला आहे.
आयोगामार्फत एकूण 479 पदांसाठी ही परीक्षा 2 फेब्रुवारी 2025 रोजी घेण्यात आली होती. तीन महिने होत आले तरी महाराष्ट्र गट-ब (अराजपत्रित) सेवा संयुक्त पूर्व परीक्षेचा निकाल रखडल्याने विद्यार्थी नाराज होते. अखेर या निकालाची प्रतीक्षा संपली आहे. या परीक्षेद्वारे सहायक कक्ष अधिकारी, राज्य कर निरीक्षक आणि पोलिस उपनिरीक्षक पदांसाठी भरती होणार आहे.
गट ब च्या संयुक्त पूर्व परीक्षेतून एकूण 479 जागा भरायच्या आहेत. यात सहायक कक्ष अधिकारी (54 पदे), राज्य कर निरीक्षक (209 पदे) आणि पोलिस उपनिरीक्षक (216 पदे) यांचा समावेश आहे. या भरतीची जाहिरात ऑक्टोबर 2024 मध्ये आली होती. परीक्षा आधी 5 जानेवारी 2025 ला होणार होती. पण ती पुढे ढकलून 2 फेब्रुवारी 2025 रोजी घेण्यात आली.
यंदाच्या निकालामध्ये जनरल कॅटेगिरी च्या मुलांचा कट ऑफ 62.50 असा आहे. जो आतापर्यंतचा सर्वात उच्च कट ऑफ ठरला आहे. तर जनरल कॅटेगरी च्या मुलींचा कट ऑफ 59.25 आहे. जनरल कॅटेगिरी आणि ओबीसी कॅटेगिरी चा कट ऑफ सारखाच आहे. त्यामुळे यंदा पूर्व परीक्षेचा कट ऑफ सर्वांना चकित करून गेला आहे.
- प्रवर्गनिहाय कटऑफ खालीलप्रमाणे
