MHT CET च्या दुसऱ्या संधीचे वेळापत्रक जाहीर;९ मे पासून परीक्षा
वेळापत्रकानुसार, MBA/MMS CET २०२६ दुसऱ्या संधीची परीक्षा ९ मे २०२६ रोजी PCB गटाची परीक्षा १० मे आणि ११ मे रोजी PCM गटाची परीक्षा १६ आणि १७ मे या दोन दिवशी वगळून, १२ मे ते २१ मे या कालावधीत पार पडणार आहेत.
eduvarta@gmail.com 
एज्युवार्ता न्यूज नेटवर्क
राज्य सामाईक प्रवेश परीक्षा कक्षाने (State Common Entrance Test) विद्यार्थ्यांसाठी महत्त्वाची घोषणा केली आहे. MHT CET २०२६ इंजिनिअरिंग, फार्मसी, कृषी आणि MAH MBA/MMS CET २०२६ च्या दुसऱ्या संधीच्या (Second Attempt) परीक्षेच्या अंतिम तारखा जाहीर (Dates Announced) करण्यात आल्या आहेत. यावर्षी प्रथमच MHT CET परीक्षा दोन सत्रांमध्ये घेण्यात येत असल्याने विद्यार्थ्यांना स्कोअर सुधारण्याची चांगली संधी (Opportunity to Improve the Score) उपलब्ध झाली आहे.
अधिकृत सूचनेनुसार, दुसऱ्या संधीची परीक्षा ९ मे ते २१ मे २०२६ दरम्यान होणार आहेत. वेळापत्रकानुसार, MBA/MMS CET २०२६ दुसऱ्या संधीची परीक्षा ९ मे २०२६ रोजी PCB गटाची परीक्षा १० मे आणि ११ मे रोजी PCM गटाची परीक्षा १६ आणि १७ मे या दोन दिवशी वगळून, १२ मे ते २१ मे या कालावधीत पार पडणार आहेत. यापूर्वी काही तारखांमध्ये बदल झाल्याने विद्यार्थ्यांमध्ये थोडा गोंधळ निर्माण झाला होता, मात्र आता ही तारखा अधिकृत मानल्या जात आहेत.
दोन्ही प्रयत्नांमध्ये बसलेल्या विद्यार्थ्यांसाठी स्कोअर प्रवेश प्रक्रियेसाठी CAP विचारात घेतला जाईल. यामुळे पहिल्या प्रयत्नात अपेक्षित स्कोअर न मिळालेल्या किंवा न बसलेल्या विद्यार्थ्यांना दुसरी संधी मिळाली आहे. दुसऱ्या संधीसाठी विशेष नोंदणी विंडो एप्रिलमध्ये उघडण्यात आली होती. यात अतिरिक्त ५०० रुपये शुल्क आकारले गेले. प्रवेशपत्रे मे महिन्याच्या पहिल्या आठवड्यात cetcell.mahacet.org वर उपलब्ध होईल.
एमएसटी सीईटी ही महाराष्ट्रातील इंजिनिअरिंग, फार्मसी, कृषी आणि इतर व्यावसायिक अभ्यासक्रमांसाठी प्रवेशद्वार मानले जाते. या परीक्षेत यशस्वी उमेदवारांना सरकारी आणि खासगी नामांकित महाविद्यालयांमध्ये प्रवेश मिळतो. दुसऱ्या संधीमुळे स्पर्धा अधिक तीव्र होणार असून, विद्यार्थ्यांनी आता शेवटच्या टप्प्यातील तयारीला पूर्ण वेग द्यावा, असा सल्ला देण्यात आला आहे.
