ITI उत्तीर्णांना नोकरीची सुवर्णसंधी, पिंपरी चिंचवड महापालिकेत ४०७ पदांची भरती सुरू
निवड झालेल्या उमेदवारांना एक वर्ष कालावधीचे प्रशिक्षण दिले जाणार असून, शासन नियमांनुसार स्टायपेंड दिले जाईल. जाहिरात आणि अर्ज प्रक्रिया PCMC च्या अधिकृत वेबसाइट www.pcmcindia.gov.in वर उपलब्ध आहे.
eduvarta@gmail.com 
एज्युवार्ता न्यूज नेटवर्क
नोकरीच्या शोधात असलेल्या बेरोजगार तरुणांसाठी महत्त्वाची बातमी समोर आली आहे. पिंपरी चिंचवड महानगरपालिकाने (PCMC)औद्योगिक प्रशिक्षण विभागाच्या माध्यमातून प्रशिक्षणार्थी (Apprentice Recruitment) पदांच्या एकूण ४०७ रिक्त जागा (407 Vacance Seat) भरण्यासाठी जाहिरात प्रसिद्ध (Advertisement Published) केली आहे. त्यामुळे ही ITI उत्तीर्ण उमेदवारांसाठी ही सुवर्णसंधी असणार आहे. इच्छुक आणि पात्र उमेदवार PCMC चे अधिकृत संकेतस्थळ www.apprenticeshipindia.gov.in किंवा www.apprenticeshipindia.gov.in वर जाऊन ऑनलाइन पद्धतीने अर्ज करू शकतात. अर्ज करण्याची अंतिम मुदत ६ मे २०२६ पर्यंत (Deadline 6 May 2026) देण्यात आली आहे.
या भरतीअंतर्गत विविध ट्रेडमध्ये एकूण ४०७ जागा भरण्यात येणार आहेत. यामध्ये COPA -१०६, वायरमन -८७, इलेक्ट्रिशियन -८०, डेस्कटॉप ऑपरेटिंग (DTPO) -४२ पदे, प्लंबर - २४ पदे, रेफ्रिजरेशन अँड एअर कंडिशनिंग -२१ पदे सारख्या प्रमुख ट्रेड्सचा समावेश आहे. इतर ट्रेड्समध्ये पंप ऑपरेटर कम मेकॅनिक, सर्व्हेयर, ड्राफ्ट्समन सिव्हिल, मोटर व्हेईकल मेकॅनिक, इन्स्ट्रुमेंट मेकॅनिक आणि माळी यांचाही समावेश आहे.
संबंधित ट्रेडमध्ये NCVT/SCVT प्रमाणपत्रासह ITI उत्तीर्ण उमेदवार पात्र आहेत. वयोमर्यादा शिकाऊ उमेदवारी अधिनियम, १९६१ नुसार असणार आहे. निवड झालेल्या उमेदवारांना एक वर्ष कालावधीचे प्रशिक्षण दिले जाणार असून, शासन नियमांनुसार स्टायपेंड दिले जाईल. जाहिरात आणि अर्ज प्रक्रिया PCMC च्या अधिकृत वेबसाइट www.pcmcindia.gov.in वर उपलब्ध आहे. इच्छुक उमेदवारांनी जाहिरात काळजीपूर्वक वाचून अर्ज करावा, असे आवाहन प्रशासनाने केले आहे.
