केव्हीएस प्रवेशाचा लॉटरी निकाल जाहीर; 'असे' चेक करा, यादीत नाव
देशभरातील केंद्रीय विद्यालयांमध्ये प्रवेशासाठी मोठ्या संख्येने अर्ज प्राप्त झाले होते. पालक केंद्रीय विद्यालय संघटनेच्या वेबसाइटवर आणि admission.kvs.gov.in वर आपल्या मुलाची स्थिती तपासू शकतात. येथे तात्पुरती यादी आणि प्रतीक्षा यादी दोन्ही जाहीर करण्यात आल्या आहेत.
eduvarta@gmail.com 
एज्युवार्त न्यूज नेटवर्क
केंद्रीय विद्यालय संघटनेने (KVS) आज बाल वाटिका आणि इयत्ता पहिलीच्या प्रवेशासाठी (Admission to Class 1) ऑनलाइन नोंदणी केलेल्या पालकांची महत्त्वाची बामती समोर आली आहे. केव्हीएसने लॉटरीचा निकाल जाहीर (Lottery results announced) केला आहे. ज्या पालकांनी ऑनलाइन नोंदणी (Online Registration) केली आहे, ते आता अधिकृत वेबसाइट admission.kvs.gov.in ला भेट देऊन यादीमध्ये आपल्या मुलाचे नाव तपासू शकतात.
देशभरातील केंद्रीय विद्यालयांमध्ये प्रवेशासाठी मोठ्या संख्येने अर्ज प्राप्त झाले होते. पालक केंद्रीय विद्यालय संघटनेच्या वेबसाइटवर आणि admission.kvs.gov.in वर आपल्या मुलाची स्थिती तपासू शकतात. येथे तात्पुरती यादी आणि प्रतीक्षा यादी दोन्ही जाहीर करण्यात आल्या आहेत.
या याद्यांनंतर जागा रिक्त राहिल्यास, २२ ते २६ एप्रिल दरम्यान ऑफलाइन नोंदणी उपलब्ध होईल. बालवाटिका आणि इयत्ता दुसरीच्या पुढील वर्गांमधील प्रवेश १५ ते २० एप्रिल दरम्यान घेतले जातील. इयत्ता ११ वी वगळता इतर सर्व वर्गांमधील प्रवेशाची अंतिम तारीख ३० जून, २०२६ आहे.
ज्या मुलांची नावे यादीत आहेत, त्यांच्या पालकांनी कागदपत्रांच्या पडताळणीसाठी विहित वेळेत शाळेला भेट देणे आवश्यक आहे. यासाठी वयाचा पुरावा, रहिवासाचा पुरावा, सेवा प्रमाणपत्र (लागू असल्यास), जात प्रमाणपत्र (राखीव प्रवर्गांसाठी) आणि आरटीई प्रवर्गांसाठी उत्पन्नाचा दाखला आवश्यक आहे. ही प्रक्रिया विहित वेळेत पूर्ण न झाल्यास, ती जागा प्रतीक्षा यादीतील मुलाला दिली जाईल.
