ICSE इम्प्रूव्हमेंट रिझल्ट जाहीर
सर्व विद्यार्थी आता cisce.org या अधिकृत वेबसाइटवर त्यांचे निकाल पाहू शकतात.
eduvarta@gmail.com 
एज्युवार्ता न्यूज नेटवर्क
कौन्सिल फॉर द इंडियन स्कूल सर्टिफिकेट एक्झामिनेशन्सने (CISCE) ICSE इम्प्रूव्हमेंट रिझल्ट 2024 (ICSE Improvement Result 2024) जाहीर केला आहे. इयत्ता 10वी (10th students) इम्प्रूव्हमेंट परीक्षेत बसलेले सर्व विद्यार्थी आता cisce.org या अधिकृत वेबसाइटवर त्यांचे निकाल (Result) पाहू शकतात.
अधिकृत सूचनेनुसार, हा निकाल विद्यार्थ्यांसाठी 12 ऑगस्ट 2024 पासून DigiLocker वर देखील उपलब्ध होणार आहे. तसेच अधिकृत सूचनेनुसार, विद्यार्थ्यांनी ज्या विषयांसाठी अर्ज केले होते, त्याच विषयांच्या गुणांमध्ये सुधारणा करण्यात येणार आहे. दोन्ही परीक्षांमध्ये उमेदवाराला मिळालेल्या पैकी जास्त गुण हे उमेदवाराचे अंतिम गुण म्हणून दाखवले जातील. सुधारणा निकाल तपासण्यासाठी आणि डाउनलोड करण्यासाठी, उमेदवारांना त्यांचा युनिक आयडी, इंडेक्स क्रमांक आणि कॅप्चा कोड भरावा लागेल.
असा पहा निकाल
सर्व उमेदवारांनी सर्वप्रथम CISCE च्या अधिकृत वेबसाईटला cisce.org भेट द्यावी. आता तुम्हाला मुख्यपृष्ठावरील ICSE सुधारणा निकाल 2024 लिंकवर क्लिक करावे लागेल. पुनर्निर्देशित पृष्ठावर, आवश्यक तपशील प्रविष्ट करा. यानंतर दहावीचा निकाल स्क्रीनवर उघडेल.आता हा निकाल डाउनलोड करा आणि पुढील आवश्यकतेसाठी निकालाची प्रत घ्यावी.
