१७ वर्षीय विद्यार्थ्यांचे भयानक कांड! ३ अल्पवयीन मुलींचे लैंगिक शोषण, एकीचा केला गर्भपात 

एज्युवार्ता न्यूज नेटवर्क 

तेलंगणातील नगरकुलरनूल इथे एक धक्कादायक घटना उघडकीस आली आहे. एका १७ वर्षीय अल्पवयीन विद्यार्थ्यांने (Minor Student) मोठे कांड केले आहे. प्रेमाचे आमिष दाखवून तीन अल्पवयीन विद्यार्थिनींचे लैंगिक शोषण (sexual abuse) करून एका मुलीचा गर्भपात (Female Feticide) केल्याचे उघड झाले आहे. त्यानंतर नगरकुरनूल पोलिसांनी संबंधित इंटरमिजिएट विद्यार्थ्याला पोक्सो कायद्याअंतर्गत अटक (Arrest under the POCSO Act) केली आहे. बेकायदेशीर गर्भपात केल्याच्या आरोपाखाली दोन डॉक्टर आणि एका नर्सलाही अटक करण्यात आली.

आरोपीने व्हिडिओ रेकॉर्ड केला आणि मुलींना ब्लॅकमेल करण्यासाठी त्यांचा वापर केला. पैसे न दिल्यास व्हिडिओ सोशल मीडियावर पोस्ट करण्याची आणि त्यांच्या कुटुंबियांना पाठवण्याची धमकी दिली. त्या धमकीच्या आधारावर अनेक महिने त्याने पिडीत मुलींवर अत्याचार केले. तीन वेगवेगळ्या तक्रारींवरून आरोपीवर गुन्हे दाखल करण्यात आले आहे. 

जेव्हा एका पीडितेला हा छळ सहन झाला नाही, तेव्हा तिने पालकांना घडलेला प्रकार सांगितला. त्यानंतर पोलिस तक्रार दाखल करण्यात आली. तपासात असे दिसून आले की आरोपीने आणखी दोन अल्पवयीन मुलींवरही लैंगिक अत्याचार केले आहेत. तीन पीडितांपैकी एक त्याच्याच महाविद्यालयातील होती, तर इतर दोन इतर महाविद्यालयातील विद्यार्थिनी आहेत.

आरोपीने गर्भवती असलेल्या मुलीला गर्भपातासाठी स्थानिक खाजगी रुग्णालयात नेले. यामध्ये सहभागी असलेल्या आरोपीच्या 22 वर्षीय मित्रालाही पोलिसांनी अटक केली. त्याच्या घरी पीडितांपैकी एकीचे लैंगिक शोषण करण्यात झाले होते. आरोपीच्या फोनवरून एका पीडितेचा व्हिडिओ जप्त करण्यात आला आहे. रुग्णालयातील रेकॉर्ड देखील जप्त करण्यात आले आहेत. तपास सुरू आहे आणि पुढील धागेदोरे शोधले जात आहेत. सध्या आरोपीला बालसुधारगृहात पाठवण्यात आले आहे.