गुणवत्तापूर्ण शिक्षणासाठी गुगलचे २९ भाषांमध्ये यूट्यूब चॅनेल
देशातील २९ भाषांत यूट्यूब चॅनल सुरू करण्यात येणार आहेत. त्यामुळे विद्यार्थ्यांना पाहिजे त्या भाषेमध्ये सर्व काही सहज उपलब्ध होणार आहे. शिवाय यामुळे शिक्षणात सुलभता येणार आहे.
eduvarta@gmail.com 
एज्युवार्ता न्यूज नेटवर्क
गुगलने (Google) भारतात गुणवत्तापूर्ण शिक्षणाच्या प्रसारासाठी राष्ट्रीय शैक्षणिक संशोधन व प्रशिक्षण परिषदेशी (एनसीईआरटी) करार (Partnership Agreement) केला आहे. त्याद्वारे देशातील २९ भाषांत यूट्यूब चॅनल सुरू करण्यात येणार आहेत. त्यामुळे विद्यार्थ्यांना पाहिजे त्या भाषेमध्ये सर्व काही सहज उपलब्ध होणार आहे. शिवाय यामुळे शिक्षणात सुलभता येणार आहे.
शिक्षक, विद्यार्थी व पालक यांना यात गुंतवून ठेवण्याची क्षमता असले तसेच सहज उपलब्धता होऊ शकणारा शैक्षणिक मजकूर देऊन सशक्त करण्याच्या उद्देशाने ही भागीदारी करण्यात आली आहे. त्याबाबत 'यूट्यूब लर्निंग'चे उत्पादन व्यवस्थापन संचालक जोनाथन कॅटझमन यांनी एका गुगल ब्लॉग पोस्टद्वारे खुलासा केला आहे.
इयत्ता १ ली ते १२ वीच्या विद्यार्थ्यांसाठी हे चॅनल असेल. विद्यार्थ्यांना शिक्षण घेणे त्यामुळे सुलभ होईल. प्रमाणित अभ्यासक्रमच याद्वारे शिकविला जाईल. त्यासाठी 'नॅशनल प्रोग्राम ऑन टेक्नोलॉजी एनहान्स्ड लर्निंग सोबत भागीदारी करण्यात आली आहे. विज्ञान आणि साहित्यासह खेळ, मनोविज्ञान आणि रॉकेट सायन्स यांसारख्या विषयांचा यामध्ये समावेश असणार आहे.
