SBI मध्ये बंपर भरती; लिपिक पदाच्या 13,735 जागांसाठी अर्ज प्रक्रिया सुरू
स्टेट बँक ऑफ इंडिया भरतीसाठी अर्ज करण्याची अंतिम मुदत 7 जानेवारी २०२५ पर्यंत असणार आहे. उमेदवारांना अर्ज भरण्यासाठी SBI बँकेचे अधिकृत संकेतस्थळ https://sbi.co.in/ जाऊन अर्ज भरता येणार आहे.
eduvarta@gmail.com 
एज्युवार्ता न्यूज नेटवर्क
स्टेट बँक ऑफ इंडियाने (State Bank of India Recruitment) बंपर भरतीची जाहिरात प्रसिद्ध (Advertisement published) केली आहे. त्यानुसार स्टेट बँक ऑफ इंडिया अंतर्गत लिपिक (कनिष्ठ सहकारी) पदांच्या तब्बल 13 हजार 735 रिक्त जागा (13 thousand 735 vacancies) भरल्या जाणाऱ्या आहेत. या भरतीसाठी इच्छुक आणि पात्र असलेल्या उमेदवारांकडून अर्ज मागवण्यात आले आहेत.
भरती प्रक्रिया आज मंगळवार दि. 17 डिसेंबरपासून सुरू करण्यात आली असून यासाठी ऑनलाईन पद्धतीने अर्ज करायचा आहे. स्टेट बँक ऑफ इंडिया भरतीसाठी अर्ज करण्याची अंतिम मुदत 7 जानेवारी २०२५ पर्यंत असणार आहे. उमेदवारांना अर्ज भरण्यासाठी SBI बँकेच्या अधिकृत संकेतस्थळावर https://sbi.co.in/ जाऊन अर्ज भरता येणार आहे.
शैक्षणिक पात्रता, वयोमर्यादा आणि परीक्षा शुल्क
या भरती मोहिमेत सहभागी होणारा उमेदवार हा कोणत्याही शाखेतील मान्यताप्राप्त विद्यापीठाचा पदवीधर असणे आवश्यक आहे. यासाठी उमेदवाराचे किमान वय 20 तर कमाल वयोमर्यादा 28 देण्यात आली आहे. नियमानुसार आरक्षित वर्गातील ओबीसी उमेदवारांना 3 वर्ष, एससी/एसटी उमेदवारांना 5 वर्ष सूट देण्यात आली आहे. तर (सामान्य) अपंग उमेदवाराला 10 वर्षे, (OBC) अपंग उमेदवाराला 13 आणि एससी/एसटी अपंग उमेदवारांना अतिरिक्त 15 वर्ष सूट देण्यात आली आहे. तसेच यामध्ये सहभागी होणार्या सामान्य, ओबीसी, ईडब्ल्यूएस प्रवर्गातील उमेदवारांना 750 रुपये अर्ज शुल्क आकारण्यात आला आहे.तर इतर सर्व प्रवर्गातील उमेदवारांना निशुल्क अर्ज भरता येणार आहे.
