संस्थाचालकाचे कामनामे! महिला कर्मचाऱ्याला करायला लावले घरातील धुणी-भांडी, आणि शेतातील कामे

एज्युवार्ता न्यूज नेटवर्क

बीड जिल्ह्यात एक धक्कादायक घटना समोर आली आहे. एका आश्रमशाळेच्या संस्थाचालकाने (Administrator of the Ashram School) शाळेतील कर्मचारी महिलेकडून घरातील धुणी-भांडी, फरशी पुसणे, झाडू-पोछा आणि शेतातील खुरपणी, कापूस वेचणीचे काम  (Got household chores and farm work done) करून घेतल्याचा आरोप (Allegation by a female employee)  करण्यात आला आहे. ही कामे करण्यास नकार दिल्यानंतर महिला कर्मचाऱ्याला शिवीगाळ आणि पतीला मारहाण (Assault on husband) केल्याचा आरोप तक्रारीत करण्यात आला आहे. या घटनेचा व्हिडिओ सध्या सोशल मीडियावर व्हायरल (Video goes viral on social media) होत आहे. 

अंतरवन पिंपरी तांडा येथील आश्रमशाळेत स्वयंपाकी म्हणून काम करणाऱ्या सुरेखा चव्हाण यांनी संस्थाचालक दिनेश लाला पवार यांच्यावर गंभीर आरोप केले आहेत. सुरेखा यांना शाळेच्या कामासोबत घरातील धुणी-भांडी, फरशी पुसणे, झाडू-पोछा आणि शेतातील खुरपणी, कापूस वेचणीचे काम करायला लावण्यात येत होते. काम न केल्याने गेल्या सहा महिन्यांपासून त्यांचे वेतन रोखण्यात आल्याचा आरोप आहे.

जेव्हा सुरेखा चव्हाण यांनी या अन्यायाविरुद्ध तक्रार करण्यासाठी समाजकल्याण विभागाच्या कार्यालयात जाऊन तक्रार दिली, तेव्हा संस्थाचालक दिनेश पवार यांनी तिथे येऊन सुरेखा यांच्या पती सतीश राठोड यांना शिवीगाळ केली आणि मारहाण केली. या घटनेचा व्हिडिओ समोर आला असून, त्यात संस्थाचालक अश्लील भाषेत शिव्या देताना आणि धमकी देताना दिसत आहे.

या प्रकरणी शिवाजीनगर पोलीस ठाण्यात गुन्हा दाखल करण्यात आला आहे. आश्रमशाळांमध्ये कर्मचाऱ्यांचा होणारा शोषण हा मुद्दा पुन्हा एकदा चर्चेत आला आहे. अनेकजण या घटनेमुळे आश्रमशाळांतील कामगारांच्या स्थितीबद्दल प्रश्न उपस्थित करत आहेत.

संस्थाचालक दिनेश पवार यांच्याशी संपर्क साधण्याचा प्रयत्न केला असता त्यांचा प्रतिसाद मिळू शकला नाही. या प्रकरणाची पोलीस तपासणी सुरू असून, लवकरच अधिक माहिती समोर येण्याची शक्यता आहे. ही घटना सामान्य कामगारांच्या हक्कासाठी चिंतेचा विषय बनली आहे.