दुसरीच्या हिंदू विद्यार्थ्याला दिला 'कलमा' अन् 'फतिहा' पठणाचा गृहपाठ; शिक्षिकेची तात्काळ हकालपट्टी

एज्युवार्ता न्यूज नेटवर्क

हैदराबादमध्ये एका खासगी शाळेत दुसरीत शिकणाऱ्या हिंदू मुलाला (A Hindu boy studying in the 2nd class) इस्लामी प्रार्थना 'कलमा' आणि 'सुरह फातिहा' पाठ करण्याचा गृहपाठ ('Kalima' and 'Surah Al-Fatiha' Homework) देण्यात आल्याचा धक्कादायक प्रकार समोर आला आहे. या घटनेमुळे मोठा वाद निर्माण झाला. पालकांनी तक्रार (Parents complained) केल्यानंतर शाळा प्रशासनाने संबंधित शिक्षिकेला जबाबदार धरून तात्काळ हकालपट्टी (Dismissal of the female teacher) करण्याचा निर्णय घेतला आहे. 

ही घटना हैदराबादच्या सैदाबाद येथील 'द सक्सेस स्कूल' मध्ये घडली. १५ जुलैला मुलाच्या शाळेच्या डायरीत 'Read 1, 2 Kalma' आणि 'Read Fatiha' असा गृहपाठ लिहिण्यात आला होता. मुलगा घरी आल्यावर पालकांना हे दिसले. त्यांनी ताबडतोब शाळेत जाऊन प्रशासनाकडे जाब विचारला. पालकांनी सांगितले की, हा पहिलाच प्रकार नाही. यापूर्वी ११ जुलैला देखील 'Read Kalma' असा गृहपाठ लिहिला होता.

पालकांनी सांगितले की, शाळेने मुलावर त्याच्या धर्मापेक्षा वेगळा धार्मिक अभ्यास लादला. यामुळे पालक-शाळा व्यवस्थापनात तीव्र वाद झाला. पालकांनी शिक्षिकेविरोधात कठोर कारवाई आणि शिक्षण विभागाकडून चौकशी करण्याची मागणी केली. या प्रकरणाने धार्मिक संवेदनशीलता आणि शाळेतील धर्मनिरपेक्ष वातावरणाचा मुद्दा पुन्हा चर्चेत आला आहे.

वाद वाढताच शाळा प्रशासनाने तातडीने कारवाई केली. शिक्षिका शेख आयशा परवीन यांची सेवा तत्काळ समाप्त करण्यात आली. तसेच भविष्यात शाळेच्या कोणत्याही संस्थेत नोकरीसाठी अर्ज करण्यास त्यांना बंदी घातली आहे. शाळेने हा प्रकार चुकून झाल्याचे सांगितले आहे. बहुतांश विद्यार्थी मुस्लिम असल्याने इस्लामिक स्टडीजचे वर्ग घेतले जातात, पण इतर धर्मातील मुलांना ते शिकवले जात नाही. तरीही चुकीने हिंदू मुलाच्या डायरीत गृहपाठ लिहिला गेला.

या घटनेमुळे पालकांमध्ये चिंता वाढली आहे. अनेकजण शाळेतील अभ्यासक्रम आणि शिक्षकांच्या वागणुकीवर प्रश्न उपस्थित करत आहेत. शाळा प्रशासनाने पालकांना आश्वासन दिले आहे की, असे प्रकार पुन्हा होणार नाहीत. प्रकरणी शिक्षण विभागाकडूनही चौकशी सुरू असल्याचे सांगितले जात आहे.