रेंजहिल्स स्कूलच्या विद्यार्थ्यांचे पूर्ण शुल्क माफ; मिलिंद कांबळे यांचा ऐतिहासिक निर्णय

एज्युवार्ता न्यूज नेटवर्क 

दी ऑर्डनस फॅक्टरी एम्प्लॉइज एज्युकेशन सोसायटीच्या (The Ordnance Factory Employees Education Society) अनुदानित शाळेमधील विद्यार्थ्यांनाकडून आता कोणत्याही प्रकारचे शुल्क न घेण्याचा मोठा ऐतिहासिक निर्णय सोसायटीचे निवनियुक्त अध्यक्ष व दलित इंडियन चेंबर ऑफ कॉमर्स अँड इंडस्ट्रीचे संस्थापक पद्मश्री मिलिंद कांबळे (Padma Shri Milind Kamble) यांनी घेतला. संस्थेच्या कार्यकारणीच्या पहिल्याच बैठकीत त्यांनी हा अतिशय महत्त्वपूर्ण निर्णय जाहीर केला आहे.

अध्यक्षपदाचा कार्यभार स्वीकारल्यांनंतर झालेल्या संस्थेच्या कार्यकारणीची बैठक घेण्यात आली. त्यावेळी हा निर्णय घेण्यात आला. 

काकासाहेब वाघ कॉलेजच्या १६ विद्यार्थ्यांची पुणे विद्यापीठातील इलेक्ट्रॉनिक्स विभागात निवड

रेंजहिल्स स्कूलचा येत्या वर्षभरात कायापालट करणार असल्याचे त्यांनी यावेळी सांगितले. तसेच मागेल त्याला प्रवेश देण्याचा निर्णय ही यावेळी त्यांनी घेण्यात आला .पुणे शहरातील आणि रेंजहिल्स कर्मचारी, कामगारवर्ग, खडकी, दापोडी आणि झोपडपट्टी परिसरातील गरीब व गरजू आणि आर्थिकदृष्टा दुर्बल घटकातील मुलांना शिक्षणापासून वंचित राहू नये, यासाठी आपल्या संस्थेच्या वतीने विशेष अभियान राबविण्याचाही निर्णय घेण्यात आला असल्याचे कांबळे यांनी सांगितले. 
          
खडकी एज्युकेशन फॅक्टरीच्या कर्मचारी व परिसरातील वंचित घटकातील मुलांना शिक्षण देण्याचे काम या संस्थेच्या माध्यमातून चालू आहे. या संस्थेची स्थापना 1966 साली करण्यात आली आहे. या कार्यकारणी बैठकीला संस्थेचे उपाध्यक्ष शैलेंद्र जगताप, सहसचिव राजेंद्र साळवे, संचालक गौतम भोसले तसेच इतर पदाधिकारी उपस्थित होते.