नीट युजी अर्ज भरण्यास मुदतवाढ, आता 'या' तारखेपर्यंत भरता येणार अर्ज

एज्युवार्ता न्यूज नेटवर्क

वैद्यकीय प्रवेशासाठी अत्यंत महत्त्वाच्या मानल्या जाणाऱ्या नीट युजी परीक्षेचा (NEET UG Exam) अर्ज भरण्यास मुदतवाढ देण्यात आली आहे. मागील चार दिवसांपासून विद्यार्थ्यांना अर्ज भरण्यास तांत्रिक अडचणी (Technical difficulties) उद्भवत होत्या. त्यानंतर भरण्यास मुदतवाढ देण्यात यावी, अशी मागणी जोर धरू लागली. विद्यार्थ्यांचे शैक्षणिक हित लक्षात घेऊन एनटीएने (NTA) विद्यार्थ्यांना अर्ज भरण्यास ११ मार्चपर्यंत मुदतवाढ (Extension till March 11) दिली आहे. यापुर्वी दिलेली मुदत संपुष्टात आल्यानंतर आणि हजारो विद्यार्थी अद्याप अर्ज भरण्यापासून वंचित राहिल्याचे लक्षात आल्यानंतर हा निर्णय घेण्यात आला आहे. 

 जे विद्यार्थी कोणत्या कारणास्तव अंतिम मुदतीपर्यंत फॉर्म भरू शकले नाहीत ते आता वाढीव तारखेच्या आत अर्ज प्रक्रिया पूर्ण करू शकतात. अर्ज केल्यानंतर, शुल्क ११ मार्च रोजी रात्री ११:५० वाजेपर्यंत भरता येईल. अर्ज फक्त NTA च्या अधिकृत वेबसाइट neet.nta.nic.in द्वारे ऑनलाइन सबमिट करता येतील. इतर कोणत्याही माध्यमातून सबमिट केलेले फॉर्म स्वीकारले जाणार नाहीत.

असा करता येणार अर्ज 

NEET UG अर्ज भरण्यासाठी, अधिकृत वेबसाइट neet.nta.nic.in ला भेट द्यावी.  मुख्यपृष्ठावरील "ताज्या बातम्या" अंतर्गत "NEET(UG) - 2026 साठी नोंदणी थेट आहे!" वर क्लिक करा. प्रथम, विनंती केलेले तपशील भरून नोंदणी करा. नोंदणीनंतर, इतर तपशील प्रविष्ट करून फॉर्म पूर्ण करा. तुमच्या श्रेणीनुसार विहित शुल्क भरा. फॉर्म सबमिट करा आणि प्रिंटआउट घ्या.

गेल्या काही वर्षांत नीट परीक्षेसाठी राष्ट्रीय परीक्षा एजन्सीकडे अर्ज करणाऱ्या विद्यार्थ्यांची संख्या लक्षणीय वाढली आहे. मागील वर्षी या परीक्षेसाठी नोंदणी करणाऱ्यांची संख्या २३ लाखांपेक्षा जास्त होती. त्यापैकी २२ लाख विद्यार्थ्यांनी प्रत्यक्ष परीक्षा दिली. २०२४ मध्येही सुमारे २३ लाख ३० हजार विद्यार्थ्यांनी परीक्षा दिली होती. २०२३ मध्ये २० लाख ३८ हजार, २०२२ मध्ये १७ लाख ६४ हजार, २०२१ मध्ये १५ लाख ४४ हजार आणि २०२० मध्ये सुमारे १३ लाख विद्यार्थ्यांनी ही परीक्षा दिली होती. त्यामुळे सर्व आकडे पाहता विद्यार्थ्यांचा कल नीट परीक्षेकडे मोठ्या प्रमाणावर वाढला आहे.