अतिवृष्टीमुळे नुकसान झालेल्या शाळांचे पंचनामे करा; शिक्षण संचालनालयाचे आदेश
आपल्या विभागातील सर्व माध्यमिक व उच्च माध्यमिक अनुदानित, विनाअनुदानित व अंशतः अनुदानित शाळांच्या इमारतींची पडझड ही अतिवृष्टी व पूर परिस्थितीच्या आपत्तीमुळे झालेली असल्याने त्यांचे पंचनामे करणेबाबत आपल्या अंतर्गत असणाऱ्या उपशिक्षणाधिकारी/गटशिक्षणाधिकारी यांना देऊन आपल्या विभागाचा एकत्रित अहवाल प्रपत्रामध्ये तात्काळ संचालनालयास पाठवावी.
eduvarta@gmail.com 
एज्युवार्त न्यूज नेटवर्क
राज्यातील अतिवृष्टी व पूर परिस्थितीच्या (Heavy rain and flood conditions) आपत्तीमुळे इमारतीची पडझड झालेल्या माध्यमिक व उच्च माध्यमिक अनुदानित, विनाअनुदानित व अंशतः अनुदानित क्षतिग्रस्त/नुकसानग्रस्त शाळांचे क्षेत्रीय स्तरावरुन पंचनामे करावेत असे आदेश राज्याच्या माध्यमिक व उच्च माध्यमिक संचालनालयाने (Directorate of Secondary and Higher Secondary) राज्यातील सर्व विभागीय शिक्षण उपसंचालकांना दिले आहे. राज्याचे माध्यमिक व उच्च माध्यमिक शिक्षण संचालक डॉ. महेश पालकर (Director Dr. Mahesh Palkar) यांनी याबाबतचे परिपत्रक काढले आहे.
केंद्र समन्वयक पदांच्या २ हजार ४१० पदांसाठी भरती प्रक्रिया सुरू
शासन निर्णयान्वये केंद्र शासनाच्या नैसर्गिक आपत्ती (एसडीआरएफ/एनडीआरएफ) निकषाच्या धर्तीवर नैसर्गिक आपत्तीमुळे बाधित होणाऱ्या आपदग्रस्त व्यक्तींना सन २०२२-२३ ते सन २०२५-२६ या कालावधीमध्ये द्यावयाच्या मदतीचे दर व निकष ठरवण्यात आले आहेत. राज्यातील माध्यमिक व उच्च माध्यमिक अनुदानित, विनाअनुदानित व अंशतः अनुदानित क्षतिग्रस्त/नुकसानग्रस्त शाळांना इमारतीची दुरुस्ती मध्ये प्रत्यक्ष खर्चानुसार २ लाख प्रति शाळा या कमाल मर्यादेत अर्थसहाय्य असा शासन निर्णय प्रसिद्ध करण्यात आला आहे.
आपल्या विभागातील सर्व माध्यमिक व उच्च माध्यमिक अनुदानित, विनाअनुदानित व अंशतः अनुदानित शाळांच्या इमारतींची पडझड ही अतिवृष्टी व पूर परिस्थितीच्या आपत्तीमुळे झालेली असल्याने त्यांचे पंचनामे करणेबाबत आपल्या अंतर्गत असणाऱ्या उपशिक्षणाधिकारी/गटशिक्षणाधिकारी यांना देऊन आपल्या विभागाचा एकत्रित अहवाल प्रपत्रामध्ये तात्काळ संचालनालयास पाठवावी.
