NEET UG 2024 च्या निकाला आधारे प्रवेश घेणाऱ्या अभियांत्रिकी उमेदवारांना सीईटीच्या महत्त्वाच्या सूचना 

एज्युवार्ता न्यूज नेटवर्क 

शैक्षणिक वर्ष २०२४-२५ (Academic year 2024-25) करीता प्रथम वर्ष अभियांत्रिकी अभ्यासक्रमासाठी (First Year Engineering Course) नीट युजी २०२४ (NEET UG 2024) च्या निकालाच्या आधारे प्रवेश घेणाऱ्या विद्यार्थ्यांसाठी सीईटी सेलने (CET cell) महत्त्वाच्या सूचना प्रसिद्ध (Important notices published) केल्या आहेत. प्रथम वर्ष अभियांत्रिकी अभ्यासक्रमाकरीता ज्या उमेदवारांनी नीट परीक्षेच्या निकालाच्या (Percentile) आधारे नोंदणी केलेली आहे अशा उमेदवारांच्या सुधारीत निकालाची नोंद अर्जामध्ये अद्यावयात करण्याकरीता सदर उमेदवारांनी दिनांक ४ ते ६ ऑगस्ट (Grievance Period) या कालावधीत कार्यवाही करावी. 

ज्या उमेदवारांनी सुविधा केंद्रावर जाऊन अर्जाची प्रत्यक्ष पडताळणी (Physical Scrutiny) केलेली आहे. अशा उमेदवारांनी पुन्हा नीट युजी २०२४ या परीक्षेची सुधारीत गुणपत्रिका सोबत घेवून जाऊन सुधारीत निकालामधील (Percentile) नोंद करुन व सुधारीत गुणपत्रिका अपलोड करुन सुविधा केंद्राकडून पडताळणी करुन घेण्यात यावी. 

ज्या उमेदवारांनी ई पडताळणी (E-Scrutiny) पध्दतीने अर्जाची पडताळणी करुन घेतलेली आहे. अशा उमेदवारांनी ऑनलाईन पध्दतीने स्वतःच्या लॉगीनमधून Grievance दाखल करुन नीट युजी २०२४ या परीक्षेचे सुधारीत गुण भरुन व गुणपत्रकाची प्रत अपलोड करुन ई पडताळणी करिता अर्ज नव्याने सादर करण्यात यावा, अशा सूचना सीईटी सेलकडून विद्यार्थ्यांना देण्यात आल्या आहेत. 

अभियांत्रिकी अभ्यासक्रमासाठी  केंद्रिभूत प्रवेश प्रक्रियेची नोंदणी प्रक्रिया दिनांक १४ जुलै रोजी सुरु करण्यात आलेली आहे. प्रथम वर्ष अभियांत्रिकी अभ्यासक्रमातील काही अभ्यासक्रमांना एमएचटी सीईटी (पीसीबी ग्रुप) २०२४ व नीट युजी २०२४ ही सामाईक प्रवेश उमेवारांनी प्रवेश प्रक्रियेकरीता ऑनलाईन पध्दतीने अर्ज भरुन त्याची पडताळणी करुन निश्चित केलेले आहेत. 

देशपातळीवर राष्ट्रीय परीक्षा एजेंन्सी, नवी दिल्ली यांचेमार्फत दिनांक ५ मेरोजी झालेली नीट २०२४ या सामाईक प्रवेश परीक्षेचा निकाल दिनांक २३ जून रोजी जाहिर झाला. त्यानंतर राष्ट्रीय परीक्षा एजेंन्सी यांनी २३ जून रोजी १५६३ उमेदवारांची पुन्हा परीक्षा घेण्यात आली. मा. सर्वोच्च न्यायालय, नवी दिल्ली यांनी दिलेल्या आदेशानुसार राष्ट्रीय परीक्षा एजेंन्सी ने सर्व उमेदवारांचा सुधारीत अंतिम निकाल दिनांक २६ जुलै रोजी घोषित केलेला आहे.