बंपर भरती! १०वी उत्तीर्णांना नोकरीची संधी, रेल्वेत तब्बल २२ हजार जागांसाठी भरती प्रक्रिया सुरू 

एज्युवार्ता न्यूज नेटवर्क

सरकारी नोकरीच्या शोधात असलेल्या तरुणांसाठी मोठी आनंदाची बातमी समोर आली आहे. रेल्वेने ग्रुप डी (लेव्हल १) (Railway Group D (Level 1) मधील रिक्त पदांच्या भरती प्रक्रियेसाठी अधिकृत अधिसूचना प्रसिद्ध (Notification released) केली आहे. या महाभरतीद्वारे तब्बल २१ हजार ९९७ जागा भरल्या जाणार (21,997 vacancies will be filled) आहेत. विशेष म्हणजे, केवळ १० वी उत्तीर्ण असलेल्या उमेदवारांना या भरती प्रक्रियेत सहभागी होता येणार आहे. उच्छुक आणि पात्र उमेदवार ऑनलाईन पद्धतीने २ मार्च पर्यंत (The deadline for submitting applications is March 2nd) अर्ज भरू शकतात. 

या भरतीमुळे ग्रामीण आणि शहरी भागातील तरुणांना रोजगाराची मोठी संधी उपलब्ध होणार आहे. या मेगा भरती मोहिमेअंतर्गत पॉइंट्समन, ट्रॅक मेंटेनर, असिस्टंट आणि लोको शेड स्टाफ अशी विविध पदे भरली जाणार आहेत.  या भरतीसाठी १० वी पास किंवा आयटीआय (ITI) उत्तीर्ण उमेदवार अर्ज करू शकतात. 

यासाठी उमेदवार कोणत्याही मान्यताप्राप्त बोर्डातून १० वी उत्तीर्ण असावा, तसेच ज्यांनी NCVT कडून नॅशनल अप्रेंटिसशिप प्रमाणपत्र (NAC) किंवा ITI पूर्ण केले आहे, ते देखील या पदांसाठी पात्र आहेत. पासाठी उमेदवाराचे वय किमान १८ वर्षे आणि कमाल ३३ वर्षे असणे गरजेचे असणार आहे. सरकारी
नियमानुसार, ओबीसी (OBC) उमेदवारांना ३ वर्षे, तर एससी/एसटी (SC/ST) उमेदवारांना ५ वर्षांची सवलत मिळेल. 

रेल्वेने या भरतीसाठी पारदर्शक फी पद्धत ठेवली आहे, ज्यामध्ये परीक्षा दिल्यानंतर उमेदवारांना ठराविक रक्कम परत मिळणार आहे. जर तुम्ही खुला आणि ओबीसी प्रवगातील असाल तर तुम्हाला ५०० रुपये फी भरावी लागेल. परीक्षा दिल्यानंतर ४०० रुपये परत मिळतील. तर SC/ST/महिला/दिव्यांग/माजी सैनिक यांना २५० रुपये फी भरायची असून परीक्षा दिल्यानंतर संपूर्ण २५० रुपये परत मिळतील. फी परत मिळवण्यासाठी उमेदवारांनी अर्जात स्वतःचा बैंक खाते क्रमांक आणि IFSC कोड अचूक भरणे अनिवार्य आहे.