पुण्यात डान्स टीचरकडून 11 वर्षाच्या विद्यार्थ्यावर लैंगिक अत्याचार
पुण्यातील कर्वेनगर परिसरातील एका नामांकित शाळेत 11 वर्षीय विद्यार्थ्यांवर डान्स टीचरकडून लैंगिक अत्याचार झाल्याची घटना समोर आली आहे.
eduvarta@gmail.com 
एज्युवार्ता न्यूज नेटवर्क
बदलापूर येथील लैंगिक अत्याचाराच्या (Sexual assault in Badlapur)घटनेने महाराष्ट्र हदरून गेला. मात्र, त्यानंतरही एका मागे एक लैंगिक अत्याचाराच्या घटना समोर येत असून पुण्यातील कर्वेनगर (Karvenagar in Pune) परिसरातील एका नामांकित शाळेत 11 वर्षीय विद्यार्थ्यांवर (on 11-year-old students)डान्स टीचरकडून लैंगिक अत्याचार (Sexual abuse by a dance teacher) झाल्याची घटना समोर आली आहे. संबंधित शिक्षकाविरोधात पोलिसांकडे तक्रार दाखल करण्यात आली असून पोलिसांनी त्याला अटक केली आहे.
शाळेत समुपदेशन सुरू असताना विद्यार्थ्यांनी दिलेल्या माहितीनंतर हा प्रकार समोर आला आहे लैंगिक अत्याचार करणारा आरोपी मंगेश साळवे हा डान्स टीचर आहे नृत्य शिकवताना याने विद्यार्थ्यांच्या शरीराला जाणून बुजून हात लावला. त्यानंतर संबंधित विद्यार्थ्याने हीच माहिती आपल्या आई-वडिलांना सांगितली. त्यानंतर त्यांनी तात्काळ पोलिसांकडे धाव घेतली. घटनेचे गांभीर्य लक्षात घेऊन पोलिसांनी शिक्षकाला अटक केले आहे. संबंधित शिक्षकाने इतर विद्यार्थ्यांवर देखील अशाच प्रकारे लैंगिक अत्याचार केल्याचे बोलले जात आहे. मात्र, याबाबत वारजे पोलीस ठाण्यात गुन्हा दाखल झाला असून याप्रकरणी पुढील तपास सुरू आहे.
दरम्यान, या प्रकरणी शाळा प्रशासनावर सुद्धा गुन्हा दाखल करावा, या मागणीचे निवेदन महाराष्ट्र नवनिर्माण सेनेतर्फे वारजे माळवाडी पोलिसांना देण्यात आले आहे. सर्व शिक्षक व शिक्षकेतर कर्मचाऱ्यांची चारित्र्य पडताळणी करावी, असे आदेश शासनाने दिले होते. त्यानुसार शाळा प्रशासनाने संबंधित शिक्षक व शिक्षकेतर कर्मचाऱ्यांनी चारित्र पडताळणी केली होती का ? असा सवालही महाराष्ट्र नवनिर्माण सेनेने उपस्थित केला आहे.
----------------------
बदलापूर येथील घटनेनंतर शिक्षण विभागाला जाग आलेली नाही. त्यावेळी घटना घडल्यानंतर राज्य सरकार आणि शिक्षण विभागाने केवळ तात्पुरती मलमपट्टी करण्याचा प्रयत्न केला होता. मात्र, पुण्यातील घटनेने शिक्षण विभागाची निष्क्रियता चव्हाट्यावर आणली आहे. शाळांमधील लैंगिक छळाच्या घटना रोखण्यासाठी कोणतीही ठोस योजना नाही. त्यामुळे शालेय विद्यार्थ्यांवर अत्याचाराच्या घटना होत आहेत. त्यातच राज्याला अजून शिक्षण मंत्री नाही, ही अत्यंत लाजिरवाणी बाब आहे. संपूर्ण प्रकाराची चौकशी करून, दोषींवर तत्काळ कारवाई करावी.
- कल्पेश यादव, सहसचिव, युवासेना, महाराष्ट्र राज्य
