CBSE : दहावी,बारावीच्या विद्यार्थ्यांना विशेष सुविधा मिळण्यासाठी या तारखेपर्यंत करा अर्ज

एज्युवार्ता न्यूज  नेटवर्क 

 केंद्रीय माध्यमिक शिक्षण मंडळाच्या (Central Board of Secondary Education- CBSE) विशेष गरजा असलेल्या मुलांना (Children with special needs) CWSN आगामी इयत्ता दहावी, बारावी बोर्ड परीक्षा 2025 दरम्यान विविध सुविधा पुरवते.  या सुविधा आणि सवलतींचा लाभ घेण्यासाठी मंडळाने पुन्हा एकदा शाळांना आवाहन केले आहे. या सुविधांसाठी शाळांना कोणतेही विनंती अर्ज संगम वेब पोर्टलद्वारे सादर करावे लागतील , असे बोर्डाने स्पष्ट केले आहे. या सुविधांसाठी शाळांना 28 डिसेंबरपर्यंत अर्ज करावे लागणार आहेत. 

मागील वर्षांप्रमाणे या सेवांचा लाभ घेण्यासाठी संबंधित शाळांना परीक्षा संगम वेब पोर्टलद्वारे ऑनलाइन विनंती  करावी लागेल. पोर्टल सर्व CWSN विद्यार्थ्यांची यादी उमेदवारांच्या यादीमध्ये (LOC) भरलेला डेटा तसेच प्रत्येक विद्यार्थ्याला त्यांच्या विशिष्ट अपंगत्वाच्या आधारावर मिळू शकणाऱ्या सुविधांसह यादी  प्रदर्शित करेल. 

सीबीएसईने या विनंत्या सबमिट करण्यासाठी 18 ते 28 डिसेंबर हा कालावधी निश्चित केला आहे. याच मुदतीत शाळांना आवश्यक कागदपत्रे सबमीट करावी लागतील.  शाळांनी या कालावधीत सर्व संबंधित माहिती सबमिट केल्याची खात्री करणे आवश्यक आहे. दिलेल्या मुदतीनंतर किंवा ऑफलाइन मोडद्वारे सबमिट केलेल्या विनंत्या कोणत्याही परिस्थितीत स्वीकारल्या जाणार नाहीत, अशी सूचना बोर्डाने दिली आहे.