पुण्यात सहा वर्षीय विद्यार्थीनीवर स्कूल बस चालकाकडून लैंगिक अत्याचार

Badlapur: बदलापूर येथील अल्पवयीन मुलीवर झालेले प्रकरण ताजे असताना आता पुण्यातील एका नामांकित शाळेतील सहा वर्षीय मुलीवर लैंगिक अत्याचार (School girl sexually assaulted in Pune) झाल्याची घटना समोर आली आहे. 45 वर्षीय स्कूल बस चालकाने (school bus driver) हा अत्याचार केला असून वानवडी पोलिसांनी (Wanavadi Police)पॉस्को अंतर्गत गुन्हा दाखल केला आहे. त्यामुळे शाळेतील विद्यार्थी सुरक्षित नसल्याची बाब पुन्हा एकदा अधोरेखित झाले आहे. 

वाडिया महाविद्यालयातील (Wadia College)अल्पवयीन विद्यार्थिनीवर सामूहिक बलात्कारचे प्रकरण ताजे आहे. या प्रकरणी पोलीसांनी बुधवारी पीडित मुलगी व तिच्या आई-वडिलांचा जबाब नोंदवणून घेतला आहेत. वाडिया कॉलेजमधील घडलेल्या मूळ प्रकरणाला वेगळी दिशा दिली गेल्याचा आरोप विविध राजकीय पक्षाच्या व विद्यार्थी संघटनांच्या पदाधिकाऱ्यांनी केला होता. त्यामुळे गेल्या काही दिवसांपासून पुणे शहराचे वातावरण तापले आहे. त्यातच आता वानवडी भागातील एका नामांकित शाळेतील दोन विद्यार्थिनींवर लैंगिक अत्याचार झाल्याचे समोर आले आहे. संबंधित विद्यार्थिनी शाळेतून घरी परतत असताना त्यांच्यावर हा अत्याचार झाल्याचे पोलिसांकडून सांगितले जात आहे.

बदलापूर घटनेनंतर शालेय शिक्षण विभागाने मुलींच्या सुरक्षितते संदर्भात परिपत्रक प्रसिद्ध करून उपाययोजना करण्याच्या सूचना दिल्या होत्या. या घटनेस एक महिनाही उलटला नाही. त्यापूर्वीच अल्पवयीन मुलींवर अत्याचार झाल्याची बातमी समोर आली आहे. दरम्यान, संबंधित बस ही शाळेची नसून काही पालकांनी आपल्या मुलांना शाळेत पाठवण्यासाठी व आणण्यासाठी केली होती, असे बोलले जात आहे.