प्रोफेसरने विद्यार्थिनीला क्लासरूमध्येच प्रपोच केलं, विद्यार्थिनीनं धु धु धुतलं..

एज्युवार्ता न्यूज नेटवर्क 

बंगळूरूमधील एका प्रतिष्ठित वैद्यकीय महाविद्यालयातील (Medical College Bengaluru) एक संतापजनक प्रकार समोर आला आहे. क्लासरूममध्ये सर्व काही सुरळीत सुरू असताना अचानक एका प्रोफेसरने असे काही केले, ज्याची कल्पनाही कुणी केली नव्हती. या प्रोफेसरने चक्क आपल्याच विद्यार्थिनीला क्लासरूमध्ये प्रपोच (Propose to a student in class) केलं. मात्र, विद्यार्थिनीला हा प्रकार सहन न झाल्याने तिने प्राध्यापकाला महाविद्यालयाच्या कॅम्पसमध्येच सर्वांसमोर पायातील चप्पलने धु धु धुतलं. (A female student hit a professor)  या घटनेचा व्हिडिओ सध्या सोशल मीडियावर तुफान व्हायरल (Video goes viral on social media) झाला आहे.

हा धक्कादायक प्रकार कर्नाटक राज्याची राजधानी असलेल्या बेंगळुरूच्या 'सिद्धार्थ मेडिकल कॉलेज'मध्ये घडला. विशेष म्हणजे, हे महाविद्यालय कर्नाटकचे गृहमंत्री जी. परमेश्वर यांच्या मालकीचे असल्याची माहिती समोर आली आहे. आरोपी प्रोफेसरची ओळख अब्दुल रहमान शरीफ अशी पटली असून तो या महाविद्यालयाच्या मायक्रोबायोलॉजी विभागात असिस्टंट प्रोफेसर म्हणून कार्यरत होता.

प्रोफेसरने प्रपोज केल्यानंतर केवळ संबंधित विद्यार्थिनीनेच त्याला चप्पलेने मारले नाही, तर वर्गातील इतर विद्यार्थीही प्रचंड संतापले. विद्यार्थ्यांनी या प्रोफेसरला घेरले आणि चप्पलने प्रसाद दिला. वाद इतका वाढला की विद्यार्थ्यांनी प्रोफेसरला संपूर्ण कॅम्पसमध्ये पळवून पळवून मारले. तो आपल्या कारच्या दिशेने जात असताना तिथेही विद्यार्थ्यांनी त्याला गाठले आणि पुन्हा चोप दिला. या मारहाणीत जखमी होऊनही प्रोफेसर कसातरी जीव वाचवून तिथून पळून जाण्यात यशस्वी झाला.

महाविद्यालयाचे प्राचार्य दिवाकर एस. पी. यांनी दिलेल्या माहितीनुसार, या प्रोफेसरबद्दल विद्यार्थिनींनी आधीही अनेकदा तक्रारी केल्या होत्या. विद्यार्थिनींच्या छळाच्या तक्रारींमुळे त्याला कॉलेज कॅम्पसमध्ये न येण्याच्या सूचनाही देण्यात आल्या होत्या, तरीही त्याने हे धाडस केले. या प्रकरणाचे गांभीर्य लक्षात घेऊन नेलमंगला ग्रामीण पोलीस ठाण्यात गुन्हा दाखल करण्यात आला आहे. महाविद्यालय प्रशासनाने अब्दुल रहमान शरीफ याला तातडीने निलंबित केले आहे. शैक्षणिक क्षेत्रात अशा प्रकारे शिक्षकानेच विद्यार्थिनीचा विनयभंग केल्याने सर्व स्तरांतून संताप व्यक्त होत आहे.