विद्यापीठाच्या 26,27 जुलैच्या परीक्षा रद्द; पुणे, नगर, नाशिकसाठी निर्णय
सावित्रीबाई फुले पुणे विद्यापीठाच्या मुक्त व दुरुस्त अध्ययन प्रशाला यांच्या दिनांक 26 व 27 जुलै 2024 रोजी आयोजित परीक्षा रद्द करण्यात येत आहेत
eduvarta@gmail.com 
एज्युवार्ता न्यूज नेटवर्क
पुणे, अहमदनगर व नाशिक जिल्ह्यातील बहुतांश भागात अतिवृष्टी पावसाचा इशारा देण्यात आलेला आहे. त्याअनुषंगाने पुण्याचे जिल्हाधिकारी यांच्याकडून प्राप्त आदेशानुसार पुणे मधील महाविद्यालयातील विद्यार्थ्यांना दिनांक 26 जुलै 2024 रोजी अतिवृष्टी कारणामुळे सुट्टी जाहीर करण्यात आलेली आहे. प्राप्त आदेशानुसार, सावित्रीबाई फुले पुणे विद्यापीठाच्या (sppu)मुक्त व दुरुस्त अध्ययन प्रशाला यांच्या दिनांक 26 व 27 जुलै 2024 रोजी आयोजित परीक्षा (exam)रद्द करण्यात येत आहेत,असे विद्यापीठातर्फे कळविण्यात आले आहे.
दोन दिवसीय विषयांच्या परीक्षा पुनर्नियोजनाचे वेळापत्रक लवकरच विद्यापीठ संकेतस्थळावर जाहीर करण्यात येईल. उर्वरित परीक्षा या नियोजित वेळापत्रकानुसार होतील याची कृपया नोंद घ्यावी. याबाबत काही शंका असल्यास संबंधित महाविद्यालयाचे प्रतिनिधी यांनी तत्काळ परीक्षा विभागाशी संपर्क साधावा.
सर्व संलग्नित परीक्षा केंद्राचे प्राचार्य, समन्वयक आणि महाविद्यालयीन परीक्षा अधिकारी यांनी या सूचनेची नोंद घेऊन आपल्या स्तरावरून सर्व संबंधित विद्यार्थी यांना सूचना अवगत करण्यासाठी कार्यवाही करावी,असे आवाहन सावित्रीबाई फुले पुणे विद्यापीठाच्या परीक्षा विभागातर्फे करण्यात आले आहे.
