TET परीक्षा अर्ज भरण्यास येत्या 24 एप्रिलपर्यंत मुदतवाढ
परीक्षा परिषदेने नियमित शुल्कासह परीक्षा अर्ज भरण्यास 27 मार्च ते 16 एप्रिल या कालावधीपर्यंत मुदत दिली होती. परंतु आता टीईटी परीक्षेचे ऑनलाईन अर्ज भरण्यासाठी 17 एप्रिल ते 24 एप्रिल या कालावधीपर्यंत मुदतवाढ देण्यात आली आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य परीक्षा परिषदेतर्फे घेतल्या जाणाऱ्या महाराष्ट्र शिक्षक पात्रता परीक्षा अर्थात महा- टीईटी (MAHA TET ) परीक्षेचे अर्ज भरण्यास येत्या 24 एप्रिलपर्यंत मुदतवाढ देण्यात आली आहे. परीक्षा परिषदेतर्फे राज्यातील विविध परीक्षा केंद्रांवर येत्या 21 जून रोजी टीईटी परीक्षा आयोजित केली जाणार आहे.
सर्वोच्च न्यायालयाच्या आदेशानंतर राज्यातील सर्व शिक्षकांना टीईटी परीक्षा उत्तीर्ण होणे बंधनकारक झाले. त्यामुळे राज्य शासनाने वर्षातून दोन वेळा टीईटी परीक्षा आयोजित करण्याचा निर्णय घेतला. त्यानुसार येत्या जून महिन्यात टीईटी परीक्षा घेतली जाणार आहे. परीक्षा परिषदेने नियमित शुल्कासह परीक्षा अर्ज भरण्यास 27 मार्च ते 16 एप्रिल या कालावधीपर्यंत मुदत दिली होती. परंतु, आता टीईटी परीक्षेचे ऑनलाईन अर्ज भरण्यासाठी 17 एप्रिल ते 24 एप्रिल या कालावधीपर्यंत मुदतवाढ देण्यात आली आहे.
टीईटी परीक्षा उत्तीर्ण न होणाऱ्या उमेदवारांना नोकरीवर पाणी सोडण्याची वेळ येऊ शकते. त्यामुळे टीईटी परीक्षेस प्रविष्ट होणाऱ्या उमेदवारांची संख्या वाढली आहे. येत्या जून महिन्यात घेतल्या जाणाऱ्या टीईटी परीक्षेसाठी सुद्धा मोठ्या संख्येने उमेदवार परीक्षेसाठी नोंदणी करतील, अशी शक्यता परीक्षा परिषदेकडून व्यक्त केली जात आहे.
परीक्षा अर्ज भरण्यास मुदतवाढ देण्याबाबतचे परिपत्रक परीक्षा परिषदेचे आयुक्त महेश चोथे यांनी प्रसिद्ध केले आहे.
