SPPU: प्राध्यापक भरतीला अखेर सुरुवात;पात्र उमेदवारांची यादी संकेतस्थळावर जाहीर
पुणे विद्यापीठाच्या बहुप्रतिक्षित प्राध्यापक भरतीला अखेर प्रारंभ झाला आहे. विद्यापीठाच्या 111 पदांसाठी 9 हजाराहून अधिक उमेदवारांनी अर्ज केले आहेत. त्यातील स्टॅटिस्टिक आणि विधी विषयाच्या उमेदवारांच्या अर्जांची छाननी करण्यात आली. त्यातील पात्र उमेदवारांची यादी विद्यापीठाच्या संकेतस्थळावर प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठातील 111 प्राध्यापक पदांच्या रिक्त जागांची भरती प्रक्रिया अखेर सुरू झाली आहे. विद्यापीठाने लॉ अर्थात विधी आणि स्टॅटिस्टिक विषयाच्या प्राध्यापक पदासाठी पात्र असलेल्या उमेदवारांची यादी विद्यापीठाच्या संकेतस्थळावर प्रसिद्ध केले आहे. जून महिना खेरीस या उमेदवारांच्या मुलाखती घेण्याचे नियोजन आहे.
पुणे विद्यापीठाच्या बहुप्रतिक्षित प्राध्यापक भरतीला अखेर प्रारंभ झाला आहे. विद्यापीठाच्या 111 पदांसाठी 9 हजाराहून अधिक उमेदवारांनी अर्ज केले आहेत. त्यातील स्टॅटिस्टिक आणि विधी विषयाच्या उमेदवारांच्या अर्जांची छाननी करण्यात आली. त्यातील पात्र उमेदवारांची यादी विद्यापीठाच्या संकेतस्थळावर प्रसिद्ध करण्यात आली आहे. शासन निर्णयानुसार ॲकॅडमी ,टीचिंग अँड रिसर्च अर्थात एटीआर गृहीत धरून उमेदवारांचे गुण प्रसिद्ध करण्यात आले आहेत. त्यावर आक्षेप स्वीकारले जात आहेत. लॉ विषयाचे केवळ चार उमेदवार पात्र ठरले आहेत. तर एक उमेदवार अपात्र ठरला आहे.
स्टॅटिस्टिक विषयासाठी केवळ पाच उमेदवार पात्र ठरले आहेत. सात उमेदवार अपात्र ठरले आहेत. त्याचप्रमाणे मुदत संपल्यानंतर 13 उमेदवारांनी विद्यापीठाकडे अर्ज केले होते.त्यामुळे संबंधित उमेदवारांची यादी सुद्धा प्रसिद्ध करण्यात आली आहे. पात्र उमेदवारांना 10 जून पर्यंत आपले आक्षेप नोंदवता येणार आहेत.
विद्यापीठातर्फे सध्या विधी आणि स्टॅटिस्टिक विषयाच्या प्राध्यापक भरतीला सुरुवात झाली असली तरी अर्जांची छाननी प्रक्रिया जसजशी पूर्ण होईल, त्याप्रमाणे प्राध्यापक भरतीची प्रक्रिया सुरू केली जाणार आहे.
