NEET UG 2026 परीक्षेत श्रावणी कुदळे देशात मुलींमध्ये पहिली ; महाराष्ट्रात अव्वल
महाराष्ट्राची श्रावणी कुदळे हिने मुलींमध्ये देशात पहिला क्रमांक पटकावला आहे.ती देशात पाचव्या तर महाराष्ट्रात पहिल्या क्रमांकावर आहे. तर मोहनेश भोसले देशात दहाव्या व राज्यात दुसऱ्या क्रमांकावर असून सार्थक पाटील देशात चौदाव्या तर राज्यात तिसऱ्या क्रमांकावर आहे.
Eduvarta
एज्युवार्ता न्यूज नेटवर्क
वैद्यकीय अभ्यासक्रमाच्या प्रवेशासाठी घेण्यात आलेल्या नीट परीक्षेचा निकाल जाहीर झाला असून या परीक्षेत महाराष्ट्रातील विद्यार्थ्यांनी सुद्धा चांगली कामगिरी केल्याचे दिसून येत आहे. महाराष्ट्राची श्रावणी कुदळे हिने मुलींमध्ये देशात पहिला क्रमांक पटकावला आहे.ती देशात पाचव्या तर महाराष्ट्रात पहिल्या क्रमांकावर आहे. तर मोहनेश भोसले देशात दहाव्या व राज्यात दुसऱ्या क्रमांकावर असून सार्थक पाटील देशात चौदाव्या तर राज्यात तिसऱ्या क्रमांकावर आहे.
नीट पेपर फुटी नंतर केंद्र शासनातर्फे पुन्हा एकदा नीट परीक्षा आयोजित करण्यात आली. या परीक्षेला सामोरे गेलेल्या विद्यार्थ्यांनी मोठ्या तणावात परीक्षा दिली. मात्र अनेक विद्यार्थ्यांनी घवघवीत यश मिळवले आहे. महाराष्ट्राची सानिध्या डोंगरे हिने देशात 28 वा क्रमांक पटकावला आहे. अर्णव लाहोटी याने देशात 32 वा क्रमांक पटकावला आहे. त्याचबरोबर प्रणव टेंभुर्णे याने 33 वा, रश्मीत गुप्ता याने 34 वा क्रमांक मिळवला.
सोहम पाटील हा देशात 53 व्या क्रमांकावर आहे. सागर कारेकर हा 67 व्या क्रमांकावर असून सुमय्या बडोले 77 व्या क्रमांकावर आहे. तर अनुश्री थोरात ही 85 व्या क्रमांकावर असून आर्या दिवेकर 90 व्या क्रमांकावर आहे. सहीम पाटवेगर हा 106 व्या क्रमांकावर असून सुहान शेख 116 व्या क्रमांकावर आहे. त्याचप्रमाणे अमीर वारावल्ला, सार्थक पेटकर, श्रीवल्लभ गावडे, गोपाल पाटील यांचा 690 पेक्षा अधिक गुण मिळवलेल्या नीट परीक्षेच्या 138 विद्यार्थ्यांच्या गुणवत्ता यादीत समावेश झाला आहे
