Boycott Turkey ; आता देशातील महत्वाच्या शिक्षण संस्थानीही मोडला करार
या विद्यापीठांनी शैक्षणिक देवाणघेवाण आणि संयुक्त संशोधन कार्यक्रमांच्या उद्देशाने तुर्कीच्या संस्थांसोबत करार केले होते. परंतु सध्याची परिस्थिती पाहता, प्रतिष्ठित संस्था आता तुर्कीयेपासून लांब राहण्याचा प्रयत्न करत आहेत.
eduvarta@gmail.com 
एज्युवार्ता न्यूज नेटवर्क
भारत आणि पाकिस्तानमधील संघर्षात तुर्की ने पाकिस्तानला पाठिंबा दिला होता. याचा परिणाम म्हणून सुरूवातीला भारतीय पर्यटकांनी तुरकीचे तिकीट रद्द केले. त्यानंतर भारतीय व्यापाऱ्यांनी तिथल्या वस्तूंवर बहिष्कार टाकला. आता शिक्षण क्षेत्रातून देखील अशीच माहिती समोर येत आहे. देशातील आघाडीच्या शैक्षणिक संस्था तुर्कीसोबतचे त्यांचे शैक्षणिक करार स्थगित केले आहेत.
जवाहरलाल नेहरू विद्यापीठ (JNU), दिल्ली विद्यापीठ (DU) जामिया मिलिया इस्लामिया (JMI) आणि छत्रपती शाहू जी महाराज विद्यापीठ (CSJMU), कानपूर यांनी तुर्की विद्यापीठांसोबतचे अनेक शैक्षणिक करार रद्द केले आहेत.
बुधवार, १४ जानेवारी रोजी, जेएनयूने तुर्कीच्या इनोनु विद्यापीठाशी केलेला शैक्षणिक करार रद्द केला. विद्यापीठाने जारी केलेल्या अधिकृत निवेदनात म्हटले आहे की, "राष्ट्रीय सुरक्षेच्या कारणास्तव, जेएनयू आणि इनोनु विद्यापीठ, तुर्कीये यांच्यातील सामंजस्य करार पुढील सूचना मिळेपर्यंत स्थगित करण्यात आला आहे."
तुर्कीतील मालत्या येथे असलेल्या इनोनू विद्यापीठाने आंतरसांस्कृतिक संशोधन आणि विद्यार्थी सहकार्याला प्रोत्साहन देण्याच्या प्रयत्नांचा एक भाग म्हणून जेएनयूसोबत शैक्षणिक भागीदारी केली होती. पण आता विद्यापीठाने हा करार मोडला आहे. 'जेएनयू देशासोबत उभा आहे.' असा संदेशही विद्यापीठाने दिला आहे.
जवाहरलाल नेहरू विद्यापीठ (JNU), दिल्ली विद्यापीठ (DU) जामिया मिलिया इस्लामिया (JMI) आणि छत्रपती शाहू जी महाराज विद्यापीठ (CSJMU), कानपूर यांनी तुर्की विद्यापीठांसोबतचे अनेक शैक्षणिक करार रद्द केले आहेत.
बुधवार, १४ जानेवारी रोजी, जेएनयूने तुर्कीच्या इनोनु विद्यापीठाशी केलेला शैक्षणिक करार रद्द केला. विद्यापीठाने जारी केलेल्या अधिकृत निवेदनात म्हटले आहे की, "राष्ट्रीय सुरक्षेच्या कारणास्तव, जेएनयू आणि इनोनु विद्यापीठ, तुर्कीये यांच्यातील सामंजस्य करार पुढील सूचना मिळेपर्यंत स्थगित करण्यात आला आहे."
तुर्कीतील मालत्या येथे असलेल्या इनोनू विद्यापीठाने आंतरसांस्कृतिक संशोधन आणि विद्यार्थी सहकार्याला प्रोत्साहन देण्याच्या प्रयत्नांचा एक भाग म्हणून जेएनयूसोबत शैक्षणिक भागीदारी केली होती. पण आता विद्यापीठाने हा करार मोडला आहे. 'जेएनयू देशासोबत उभा आहे.' असा संदेशही विद्यापीठाने दिला आहे.
दिल्लीस्थित जामिया मिलिया इस्लामिया (JMI) ने देखील राष्ट्रीय सुरक्षा आणि सध्याच्या भू-राजकीय परिस्थितीच्या पार्श्वभूमीवर तुर्कीयेसोबतचे शैक्षणिक करार स्थगित केले आहेत. सध्याच्या परिस्थितीत असे संबंध राखणे राष्ट्रीय हिताचे नाही, असे जेएमआय प्रशासनाने म्हटले आहे.
विद्यापीठाने जारी केलेल्या निवेदनात म्हटले आहे की, "राष्ट्रीय सुरक्षेच्या कारणास्तव, जामिया मिलिया इस्लामिया, नवी दिल्ली आणि तुर्की प्रजासत्ताक सरकारशी संलग्न असलेल्या कोणत्याही संस्थेमधील कोणताही सामंजस्य करार (एमओयू) पुढील सूचना मिळेपर्यंत तात्काळ प्रभावाने निलंबित करण्यात येत आहे. जामिया मिलिया इस्लामिया देशाच्या पाठीशी ठामपणे उभी आहे."
उत्तर प्रदेशातील कानपूर येथील छत्रपती शाहूजी महाराज विद्यापीठाने तुर्कीतील इस्तंबूल विद्यापीठासोबतचा पूर्वीचा करार तात्काळ प्रभावाने रद्द केला आहे. विद्यापीठाचे कुलगुरू विनय पाठक यांनी इस्तंबूल विद्यापीठाला पत्र पाठवून स्पष्ट केले की पाकिस्तानच्या समर्थनार्थ तुर्कीच्या भूमिकेमुळे हा निर्णय घेण्यात आला आहे.
भारताच्या सार्वभौमत्वाला आणि प्रादेशिक अखंडतेला उघडपणे विरोध करणाऱ्या देशाच्या शैक्षणिक संस्थेशी शैक्षणिक संबंध राखणे योग्य नाही, असे कुलगुरूंनी म्हटले आहे.
या विद्यापीठांनी शैक्षणिक देवाणघेवाण आणि संयुक्त संशोधन कार्यक्रमांच्या उद्देशाने तुर्कीच्या संस्थांसोबत करार केले होते. परंतु सध्याची परिस्थिती पाहता, प्रतिष्ठित संस्था आता तुर्कीयेपासून लांब राहण्याचा प्रयत्न करत आहेत.
भारताच्या सार्वभौमत्वाला आणि प्रादेशिक अखंडतेला उघडपणे विरोध करणाऱ्या देशाच्या शैक्षणिक संस्थेशी शैक्षणिक संबंध राखणे योग्य नाही, असे कुलगुरूंनी म्हटले आहे.
या विद्यापीठांनी शैक्षणिक देवाणघेवाण आणि संयुक्त संशोधन कार्यक्रमांच्या उद्देशाने तुर्कीच्या संस्थांसोबत करार केले होते. परंतु सध्याची परिस्थिती पाहता, प्रतिष्ठित संस्था आता तुर्कीयेपासून लांब राहण्याचा प्रयत्न करत आहेत.
