विद्यापीठ अधिष्ठाता नियुक्तीचा घोळ केव्हा संपणार ; कोणत्या जागेसाठी कोणते आरक्षण ?
मुंबई विद्यापीठ, डॉ. बाबासाहेब आंबेडकर मराठवाडा विद्यापीठ, सोलापूर विद्यापीठ यांनी आरक्षण लागू करून अधिष्ठाता पदाची भरती प्रक्रिया सुरू केली आहे.
eduvarta@gmail.com 
एज्युवार्ता न्यूज नेटवर्क
SPPU NEWS: सावित्रीबाई फुले पुणे विद्यापीठाच्या (Savitribai Phule Pune University)अधिष्ठात्यांचे नियुक्ती (Dean recruitment)गेल्या काही वर्षांपासून रखडली आहे.मात्र, लवकरच अधिष्ठाता पदाच्या नियुक्तीची जाहिरात नव्याने प्रसिद्ध होणार (Dean advertisement will be released again)असून त्यासाठी आरक्षण लागू केले जाणार आहे. त्यामुळे कोणत्या विद्याशाखेच्या अधिष्ठातापदी कोणत्या संवर्गातील व्यक्तीची वर्णी लागणार हे पाहणे उत्सुकतेचे ठरणार आहे.
विद्यापीठातील 111 प्राध्यापक भरतीची प्रक्रिया लवकरच नव्याने सुरू होणार
अधिष्ठातापदासाठी पूर्वी आरक्षण लागू न करता जाहिरात प्रसिद्ध करण्यात आली होती. परंतु, आता अधिष्ठाता पदासाठी आरक्षण लागू केले जाणार आहे. खुला संवर्ग, एससी संवर्ग ,ओबीसी संवर्ग आणि एनटी संवर्गातील उमेदवारांना अधिष्ठाता पदावर नियुक्ती दिली जाणार आहे. त्यामुळे विद्यापीठातर्फे अधिष्ठाता पदाच्या नियुक्तीसाठी पुन्हा नव्याने जाहिरात प्रसिद्ध केली जाणार आहे. परिणामी यापूर्वी अर्ज केलेल्या उमेदवारांसह आणखी काही उमेदवारांचा अधिष्ठाता पदाच्या मुलाखतीच्या यादीमध्ये समावेश होणार आहे.या संदर्भातही विद्यापीठाने मागासवर्गीय कक्षाकडून आवश्यक कागदपत्रांची पडताळणी करून मंत्रालय स्तरावर पुढील कार्यवाहीसाठी पत्रव्यवहार केला आहे. मुंबई विद्यापीठ, डॉ. बाबासाहेब आंबेडकर मराठवाडा विद्यापीठ, सोलापूर विद्यापीठ यांनी आरक्षण लागू करून अधिष्ठाता पदाची भरती प्रक्रिया सुरू केली आहे.
सावित्रीबाई फुले पुणे विद्यापीठातर्फे अधिष्ठाता पदासाठी जाहिरात प्रसिद्ध करण्यात आली होती. त्यात मानव विज्ञान विद्याशाखेसाठी सदानंद भोसले प्रभाकर देसाई ,मोरेश्वर कोठावडे ,राजेंद्र मस्के, हृदानंद मिश्रा अविनाश मोहरील, संदीप सांगळे, अभय शेंडे यांनी अर्ज केले होते. तर वाणिज्य व व्यवस्थापन विद्याशाखेसाठी निलेश बेरड, सचिन भोरगवे , तानाजी दाभाडे अनंतराव ददस, देविदास गोल्हार, आनंद जमले, भारत कराड,हृदानंद मिश्रा, यशोधन मिठारे प्रफुल्ल पवार, रामचंद्र पवार, मनोहर सानप, आफताबनवर शेख, सुनील शेटे, शिवाजी टाकळकर, भारत वनकट्टे यांनी अर्ज केले होते.
विज्ञान आणि तंत्रज्ञान विद्याशाखेसाठी विद्यापीठाकडे एकूण 27 अर्ज प्राप्त झाले होते. विनायक बैरागी, दत्तात्रय बोरमाने, प्रवीण चौधरी, रवींद्र चौधरी, शर्मिला चौधरी, संजय देवकर, प्रदीप दिघे, राजू गच्छे, नरहरी ग्रामपुरोहित, जितेंद्र होले, भारत जिंतूरकर, विनायक जोशी, संजय खोब्रागडे, हरिश्चंद्र कुलकर्णी, रावसाहेब लटपटे, नंदकुमार मंडलिक अल्पना मोघे, दिगंबर मोकाट, राधाकृष्ण पंडित, सतीश परदेशी पद्माकर पवार ,चंद्रशेखर सेवटकर, राजकुमार शेटे, भारत शिंदे, चंद्रशेखर उपासनी यांनी अर्ज केला होता. तर अंतर्विद्याशाखीय अभ्यास या विद्याशाखेसाठी 16 उमेदवारांनी अर्ज केला आहे. त्यात सुजाता आडमुठे, सदानंद भोसले, चंद्रकांत बोरसे, दीपक चव्हाण, तानाजी दाभाडे, महेश देशपांडे, विजय धामणे, अतुल गायकवाड, शिवकुमार गणपुरे, माधुरी इसावे ,मनोज कर ,अल्पना मोघे, मीनल ओक, देवानंद शिंदे ,नवनाथ तुपे ,भारत वनकट्टे यांचा समावेश आहे. लोकसभा निवडणूक अधिष्ठाता पदभरतीची प्रक्रिया रखडली होती. आता आरक्षण लागू करून ती पुन्हा नव्याने सुरू केली जाणार आहे.
