पुण्यात नर्सिंग विद्यार्थिनीची आत्महत्या, सुसाईट नोटमध्ये ३ मैत्रिणीवर गंभीर आरोप 

 एज्युवार्ता न्यूज नेटवर्क 

पुण्यातून धक्कादायक घटना समोर आली आहे. एका नर्सिंग विद्यार्थीनीने (Nursing student) तिच्यासोबत राहणाऱ्या तीन मैत्रिणींच्या मानसिक छळाला (Psychological harassment by friends) कंटाळून जीवन संपवल्याचे उघड झाले आहे. पायल किशोर राजगुरू (Payal Kishore Rajguru) (19 वर्षे) असे आत्महत्या (Student suicide) केलेल्या तरुणीचे नाव आहे. ही घटना पुणे शहरातील चंदननगर परिसरात घडली. याप्रकरणी पायलच्या तीन मैत्रिणींविरोधात चंदननगर पोलिस ठाण्यात गुन्हे दाखल करण्यात आला आहे. या घटनेमुळे पायलच्या कुटुंबीयांना मोठा धक्का बसला असून राजगुरू कुटुंबावर दुःखाचा डोंगर कोसळला आहे. 

मिळालेल्या माहितीनुसार, पोलिसांना तपासादरम्यान मृत पायलच्या रुममध्ये सुसाईड नोट मिळाली आहे. या सुसाईड नोटमध्ये पायलने तिच्या तीन मैत्रिणींवर गंभीर आरोप केले आहेत. तिच्या मैत्रिणी तिचा दररोज मानसिक छळ करायच्या, असं पायलने सुसाईड नोटमध्ये लिहिल्याची माहिती आहे. समाजात बदनामी केल्याचा आरोपही तिने यामध्ये केला आहे. तसेच आई-वडिलांनाही जीवे मारण्याची धमकी देण्यात आल्याचा आरोप पायलने केला आहे. या सततच्या धमक्या आणि मानसिक त्रासाला कंटाळून पायलने आयुष्य संपवण्यासारखे टोकाचे पाऊल उचलले. 

चंदननगर पोलिसांनी सुसाईड नोट आणि कुटुंबियांच्या जबाबाच्या आधारावर कारवाई सुरु केली आहे. त्याचबरोबर पोलिसांनी पायलच्या तीन मैत्रिणींविरोधात आत्महत्येस प्रवृत्त केल्याप्रकरणी गुन्हा दाखल केला आहे. सबुरी संतोष काले, शिवानी शाम आजबले आणि दिपाली अशी आरोपी तरुणींची नावे आहेत.