धक्कादायक घटना! भरधाव वाहने १४ वर्षीय शाळकरी विद्यार्थ्याला चिरडले

एज्युवार्ता न्यूज नेटवर्क

पिंपरी- चिंचवड (Pimpri-Chinchwad accident) शहरात धक्कादायक घटना घडल्याचे समोर आले आहे. शाळेतून घरी जात असलेल्या १४ वर्षीय शाळकरी विद्यार्थ्याला (14-year-old school student) पाठीमागून आलेल्या एका भरधाव वाहनाने चिरडल्याचा (Speeding vehicle collision) प्रकार घडलाय. फारुख शकील तांबोळी असे या मृत विद्यार्थ्याचे नाव असून तो इयत्ता नववीच्या वर्गात शिक्षण घेत होता. या विद्यार्थ्याचा सिमेंट मिक्सरच्या चाकाखाली येऊन दुर्दैवी मृत्यू (Death of a school student) झाला आहे. हा सर्व प्रकार सीसीटीव्हीत कैद झाला आहे. 

मिळालेल्या माहितीनुसार, शाळकरी विद्यार्थी शाळेतून घरी जात होता. तो रस्त्याने जात असताना फारुखला पाठीमागून आलेल्या सिमेंट मिक्सरने जोरदार धडक दिली. या धडकेत फारुख गंभीर जखमी झाला आणि चाकाखाली आल्याने त्याचा जागीच मृत्यू झाला. या घटनेनंतर पोलिसांनी तातडीने कारवाई करत सिमेंट मिक्सर चालक निवृत्ती उद्धव गिरी याला अटक केली आहे. त्याच्याविरुद्ध गुन्हा दाखल करण्याची प्रक्रिया सुरू आहे. दरम्यान, पिंपरी- चिंचवड शहरात सिमेंट मिक्सरच्या धडकेत मृत्यूच्या घटना वारंवार घडत असल्याने नागरिकांमध्ये भीतीचे वातावरण निर्माण झाले आहे.

पोलिसांनी दिलेल्या माहितीनुसार, मुलगा शाळेतून घरी येत असताना रस्त्यावरून जात असताना हा अपघात झाला. सिमेंट मिक्सर चालवणाऱ्या वाहन चालकाने मुलाला धडक दिली. अपघाताची माहिती मिळताच पोलिसांनी तत्काळ घटनास्थळी पोहोचून मुलाला रुग्णालयात दाखल केले, परंतु डॉक्टरांनी त्याला मृत घोषित केले. या घटनेने परिसरातील पालकांमध्ये चिंतेचे वातावरण निर्माण झाले आहे. स्थानिक प्रशासन आणि पोलिसांनी अपघाताच्या कारणांची सखोल चौकशी सुरू केली आहे. पोलिसांकडून वाहनधारक वाहतुकीचे नियम पाळतात की नाही, याचाही तपास करत आहेत. शाळा प्रशासन आणि पालकांनी मुलाच्या अचानक मृत्यूमुळे दुःख व्यक्त केले आहे.