आता मदरशांमध्येही शिकवले जाईल संस्कृत

एज्युवार्ता न्यूज नेटवर्क 

मदरशांमध्ये नॅशनल कौन्सिल ऑफ एज्युकेशनल रिसर्च अँड ट्रेनिंग (एनसीईआरटी - NCERT) अभ्यासक्रमाच्या अंमलबजावणीमुळे निकालात चांगली प्रगती दिसत आहे, मुले शिक्षणाच्या मुख्य प्रवाहात जोडली जात आहेत. या पार्श्वभूमीवर मदरशांमधील विद्यार्थ्यांच्या ज्ञानाच्या कक्षा रुंदाव्यात म्हणून उत्तराखंड मदरसा बोर्ड (Uttarakhand Madrasa Board) राज्यातील 400 हून अधिक मदरशांमध्ये संस्कृत शिक्षण ऐच्छिक म्हणून सुरू करण्याची योजना आखत आहे. (plans to make Sanskrit education optional in more than 400 madrasas in the state).

उत्तराखंड मदरसा बोर्डाचे अध्यक्ष मुफ्ती शामून कासमी यांनी ही घोषणा केली आहे . कासमी म्हणाले, 'आम्ही या योजनेवर काही काळापासून काम करत आहोत. यासंदर्भात प्रस्ताव तयार करण्यात येत आहे. त्याला राज्य सरकारकडून हिरवा कंदील मिळाल्यास त्याची अंमलबजावणी केली जाईल.'

मदरशात जाणाऱ्या मुलांना मुख्य प्रवाहात शिक्षणाशी जोडण्यासाठी मुख्यमंत्री पुष्कर सिंह धामी यांच्या इच्छेनुसार हे केले जात आहे. राज्यातील मदरशांमध्ये नॅशनल कौन्सिल ऑफ एज्युकेशनल रिसर्च अँड ट्रेनिंग (एनसीईआरटी) अभ्यासक्रमाच्या अंमलबजावणीचे या वर्षी चांगले परिणाम मिळाले आहेत. मुलांचे उत्तीर्ण होण्याचे प्रमाण 96 पेक्षा जास्त आहे. यावरून मदरशात जाणाऱ्या मुलांमध्ये टॅलेंटची कमतरता नसल्याचे दिसून येते. त्यांना संधी मिळाल्यास ते संस्कृतसह इतर विषयात चांगली कामगिरी करू शकतात, अशी माहिती कासमी यांनी दिली. 

कासमी म्हणाले, 'अरबी आणि संस्कृत या दोन्ही प्राचीन भाषा आहेत. मदरशातील विद्यार्थ्यांना अरबीबरोबरच संस्कृत शिकण्याचा पर्याय उपलब्ध झाल्यास त्याचा फायदा होईल.