UPSC:मुख्य परीक्षा 2025 चे वेळापत्रक जाहीर;परीक्षा ऑगस्टमध्ये
नागरी सेवा मुख्य परीक्षा २२, २३, २४, ३० आणि ३१ ऑगस्ट २०२५ या कालावधीत दोन सत्रात घेण्यात येणार आहे. पहिले सत्र सकाळी ९ ते १२ या वेळेत असेल तर दुसरे सत्र दुपारी २:३० ते ५:३० या वेळेत घेण्यात येईल. युपीएससी ने यंदा ९७९ पदांसाठी भरती प्रक्रिया राबवली आहे.
eduvarta@gmail.com 
एज्युवार्ता न्यूज नेटवर्क
केंद्रीय लोकसेवा आयोगाच्या(UPSC) मुख्य परीक्षेची तयारी करणाऱ्या उमेदवारांसाठी मोठी आणि महत्त्वाची अपडेट समोर आली आहे. आयोगाने केंद्रीय लोकसेवा आयोगाने नागरी सेवा मुख्य परीक्षा, २०२५ (Civil Services Mains Exam 2025) चे वेळापत्रक अधिकृतपणे जाहीर (Schedule announced) केले आहे. ही परीक्षा २२ ऑगस्ट ते ३१ ऑगस्ट २०२५ या कालावधीत सलग दोन आठवड्यांच्या शेवटी होणार आहे. २०२५ च्या मुख्य परीक्षेत बसणाऱ्या सर्व यूपीएससी उमेदवारांसाठी हे एक महत्त्वाचे वेळापत्रक आहे. ही परीक्षा दररोज दोन सत्रांमध्ये घेतली जाईल. परीक्षेचे सविस्तर वेळापत्रक आयोगाचे अधिकृत संकेतस्थळ upsc.gov.in वर प्रसिद्ध करण्यात आले आहे.
यंदा इंजिनिअरिंग अभ्यासक्रमासाठी विक्रमी नोंदणी, प्रवेशाचा कट-ऑफ वाढणार..
नागरी सेवा मुख्य परीक्षा २२, २३, २४, ३० आणि ३१ ऑगस्ट २०२५ या कालावधीत दोन सत्रात घेण्यात येणार आहे. पहिले सत्र सकाळी ९ ते १२ या वेळेत असेल तर दुसरे सत्र दुपारी २:३० ते ५:३० या वेळेत घेण्यात येईल. युपीएससी ने यंदा ९७९ पदांसाठी भरती प्रक्रिया राबवली आहे. प्रिलिम्स परीक्षा दिलेल्या १० लाखाहून अधिक उमेदवारांपैकी १४ हजार १६१ उमेदवार मुख्य परीक्षेसाठी पात्र ठरले आहेत. ही संख्या उपलब्ध जागांच्या सुमारे १२-१४ पट असल्याचे सांगण्यात आले आहे.
या भरती प्रक्रियेअंतर्गत आयएएस १८० पदे, आयएफएस ५५ पदे, आयपीएस १५० पदे, आयए आणि एएस २८ पदे आणि आयसीएस १५ पदे अशा एकूण ९७९ पदे भरण्यात येणार आहेत. यूपीएससी मेन्स २०२५ परीक्षेच्या वेळापत्रकात नऊ वर्णनात्मक पेपर्स आहेत. त्यापैकी दोन पात्रता स्वरूपाचे आहेत (इंग्रजी आणि एक भारतीय भाषा). उर्वरित सात पेपर्स, ज्यामध्ये चार सामान्य अध्ययन पेपर्स, एक निबंध आणि दोन पर्यायी पेपर्स समाविष्ट आहेत, ते गुणवत्तेसाठी मोजले जातात.
