UPSC : भारतीय वन सेवा (IFS)  मुख्य परीक्षेचे हॉल तिकीट प्रसिद्ध

एज्युवार्ता न्यूज नेटवर्क 

इंडियन फॉरेस्ट सर्विसेस (IFS) परीक्षेला बसलेल्या तरूणांसाठी महत्त्वाची अपडेट समोर आली आहे. केंद्रीय  लोकसेवा आयोगाकडून (UPSC) IFS मुख्य परीक्षेसाठी हॉल तिकीट प्रसिद्ध (IFS Main Exam Admit Card Released) करण्यात आले आहे. परीक्षेला बसलेले उमेदवार आयोगाचे अधिकृत संकेतस्थळ upsc.gov.in आणि upsconline.nic.in ला भेट देऊन हॉल तिकीट डाउनलोड करू शकतात.

हेही वाचा - UPSC जिओ सायंटिस्ट परीक्षा 2024 साठी मुलाखतीचे वेळापत्रक प्रसिद्ध

भारतीय वन सेवा (IFS) मुख्य परीक्षा 2024 UPSC द्वारे 24 नोव्हेंबर ते 1 डिसेंबर 2024 या कालावधीत घेतली जाईल. ही परीक्षा दोन शिफ्टमध्ये घेतली जाणार आहे. पहिली शिफ्ट सकाळी 9.00 ते दुपारी 12.00 आणि दुपारी 2.30 ते 5.30 या वेळेत असेल. अर्जदारांना परीक्षेला बसण्यासाठी नियुक्त केलेल्या ठिकाणी त्यांच्या हॉल तिकिटासह फोटो ओळखपत्र सादर करावे लागेल. उमेदवार वैध फोटो ओळखपत्र म्हणून पासपोर्ट, मतदार ओळखपत्र, ड्रायव्हिंग लायसन्स यासारखी कोणतीही कागदपत्रे आणू शकतात. 

असे डाउनलोड करा प्रवेशपत्र 

IFS मुख्य परीक्षेचे हॉल तिकीट डाउनलोडकरण्यासाठी  प्रथम UPSC च्या अधिकृत वेबसाइट upsc.gov.in ला भेट द्या. आता होम पेजवर उपलब्ध असलेल्या UPSC IFS Mains Admit Card 2024 लिंकवर क्लिक करा. एक नवीन पृष्ठ उघडेल, जिथे उमेदवारांना लॉगिन तपशील प्रविष्ट करावे लागतील. पूर्ण  माहिती भरल्यानंतर तुमचे प्रवेशपत्र स्क्रीनवर दिसेल. त्यानंतर ॲडमिट कार्ड डाउनलोड करा आणि त्याची प्रिंट आऊट काढून घ्या.