UGC NET चा निकाल जाहीर; असा पहा 'स्कोअरकार्ड आणि कटऑफ'

एज्युवार्ता न्यूज नेटवर्क

युजीसी नेट UGC NET डिसेंबर २०२५ या परीक्षेत (UGC NET December 2025 Exam) बसलेल्या लाखो उमेदवारांसाठी महत्त्वाची अपडेट समोर आली आहे. नॅशनल टेस्टिंग एजन्सी (NTA) ने युजीसी नेट परीक्षेचा निकाल जाहीर (Results announced) केला आहे. निकाल (UGC NET Result 2025 December) NTA च्या अधिकृत वेबसाइट ugcnet.nta.ac.in वर ऑनलाइन प्रसिद्ध करण्यात आले आहे. जिथे उमेदवार त्यांचे लॉगिन तपशील प्रविष्ट करून उमेदवार निकाल तपासू तपासून स्कोअरकार्ड डाउनलोड (Download scorecard) करू शकतात. या परीक्षेला साधारता ९.९३ लाखांहून अधिक उमेदवारांनी भाग घेतला होता.

असा तपासता येणार निकाल

UGC NET २०२५ डिसेंबरचा निकाल पाहण्यासाठी प्रथम अधिकृत वेबसाइट ugcnet.nta.nic.in ला भेट द्या. वेबसाइटच्या होम पेजवर, ताज्या बातम्या अंतर्गत निकाल लिंकवर क्लिक करा. त्यानंतर, तुमचा अर्ज क्रमांक, जन्मतारीख आणि प्रदान केलेला सुरक्षा पिन प्रविष्ट करून लॉग इन करा. आता स्क्रीनवर उघडेल, तो तपासू शकता आणि तुमचे स्कोअरकार्ड डाउनलोड करू शकता.

यूजीसी नेट परीक्षेत तीन श्रेणींमध्ये उमेदवार पात्र ठरतील. पहिल्या श्रेणीमध्ये, उमेदवार जेआरएफ आणि सहाय्यक प्राध्यापक म्हणून नियुक्तीसाठी पात्र असतील. दुसऱ्या श्रेणीमध्ये, उमेदवार सहाय्यक प्राध्यापक आणि पीएचडी प्रवेशासाठी पात्र मानले जातील. तिसऱ्या श्रेणीमध्ये, उमेदवार पीएचडी प्रवेशासाठी पात्र असतील.