शाळांमध्ये 26 जानेवारीला तंबाखू मुक्तीची शपथ
पुणे जिल्हा परिषद माध्यमिक शिक्षण विभागाने जिल्ह्यातील सर्व अनुदानित/ विनाअनुदानित/ स्वयंअर्थ साह्यता शाळांतील मुख्याध्यापकांना दिले आहेत. सर्व शैक्षणिक संस्थामध्ये तंबाखू मुक्ती विषयी जनजागृती होणे व शैक्षणिक संस्थांचा परिसर स्वच्छ राहण्याच्या हेतूने ही शपथ दिली जाणार आहे.
eduvarta@gmail.com 
एज्युवार्ता न्यूज नेटवर्क
भारत सरकारचा तंबाखू व तंबाखुजन्य पदार्थ नियंत्रण कायद्याची (Tobacco and Tobacco Products Control Act) अंमलबजावणी प्रभावीपणे व्हावी यासाठी केंद्र सरकारच्या मार्गदर्शक सूचनांनुसार (Central Government Guidelines) राज्यातील ३४ जिल्ह्यांमध्ये २६ जानेवारी रोजी ध्वजारोहणाच्या कार्यक्रमात तंबाखू मुक्तीची शपथ (Tobacco-free pledge) दिली जावी. तसे निर्देश आरोग्य सेवा आयुक्तालयाने राज्यातील सर्व जिल्हाधिकाऱ्यांना दिले आहेत.
त्यानंतर पुणे जिल्हा परिषद माध्यमिक शिक्षण विभागाने जिल्ह्यातील सर्व अनुदानित/ विनाअनुदानित/ स्वयंअर्थ साह्यता शाळांतील मुख्याध्यापकांना दिले आहेत. सर्व शैक्षणिक संस्थामध्ये तंबाखू मुक्ती विषयी जनजागृती होणे व शैक्षणिक संस्थांचा परिसर स्वच्छ राहण्याच्या हेतूने ही शपथ दिली जाणार आहे. आयुक्त यांच्याकडून प्राप्त पत्रानुसार, संपूर्ण राज्य तंबाखू मुक्त करण्याच्या उद्देशाने राज्यस्तरावर राष्ट्रीय तंबाखू नियंत्रण कार्यक्रम राबविला जातो. या कार्यक्रमाची प्रभावी अंमलबजावणी होणे करीता तंबाखू मुक्तीसाठीची जनजागृती होणे गरजेचे आहे.
सर्व शैक्षणिक संस्थांमध्ये तंबाखू मुक्ती विषयी जनजागृती होणे व शैक्षणिक संस्थेचा परिसर आणि शैक्षणिक संस्था तंबाखू मुक्त होणे गरजेचे आहे. त्यासाठी २६ जानेवारी रोजी ध्वजारोहणाच्या कार्यक्रमात तंबाखू मुक्तीची शपथ घेऊन सदर कार्यक्रमाचा अहवाल जिल्हा स्तरावर पाठवावा, असे निर्देश देण्यात आले आहेत.
