CET Cell : अभियांत्रिकी अभ्यासक्रमाची अंतिम गुणवत्ता यादी २४ जुलै रोजी प्रसिद्ध होणार..
२४ जुलै रोजी अभियांत्रिकी प्रवेशाची अंतिम गुणवत्ता यादी प्रसिद्ध करण्यात येणार आहे. विद्यार्थ्यांना सीईटी सेलचे अधिकृत संकेतस्थळ cetcell.mahacet.org वर यादी पाहता येणार आहे. या अभ्यासक्रमासाठी राज्यभरातील २ लाख १३ हजारांपेक्षा अधिक विद्यार्थ्यांनी नोंदणी केली असून या सर्व विद्यार्थ्यांचे अंतिम गुणवत्ता यादी कधी प्रसिद्ध होणार आणि आपल्याला कोणत्या महाविद्यालयात प्रवेश मिळणार याकडे लक्ष लागले आहे.
eduvarta@gmail.com 
एज्युवार्ता न्यूज नेटवर्क
महाराष्ट्र राज्य सामाईक प्रवेश परीक्षा (Maharashtra State Common Entrance Examination) कक्षामार्फत राबवण्यात येणाऱ्या अभियांत्रिकी अभ्यासक्रमाची (Engineering courses 2025-26) अंतरिम गुणवत्ता यादी जाहीर करण्यात आली असून आज सायंकाळपर्यंत हरकती व तक्रारी मागवण्यात आल्या आहेत. त्यानंतर लगेच २४ जुलै रोजी (Final merit list on July 24th) अभियांत्रिकी प्रवेशाची अंतिम गुणवत्ता यादी प्रसिद्ध करण्यात येणार आहे. विद्यार्थ्यांना सीईटी सेलचे अधिकृत संकेतस्थळ cetcell.mahacet.org वर यादी पाहता येणार आहे. या अभ्यासक्रमासाठी राज्यभरातील २ लाख १३ हजारांपेक्षा अधिक विद्यार्थ्यांनी नोंदणी केली असून या सर्व विद्यार्थ्यांचे अंतिम गुणवत्ता यादी कधी प्रसिद्ध होणार आणि आपल्याला कोणत्या महाविद्यालयात प्रवेश मिळणार याकडे लक्ष लागले आहे.
CET Cell:इंजिनिअरिंग प्रवेशासाठी 26 जुलैला ऑप्शन फॉर्म भरता येणार; प्रवेशाचे वेळापत्रक प्रसिध्द
सीईटी कक्षातर्फे २७ जून रोजी अभियांत्रिकीच्या प्रवेश प्रक्रियेचे वेळापत्रक जाहीर करण्यात आले. त्यानुसार ३० जून ते १४ जुलैपर्यंत अर्ज नोंदणी प्रक्रिया, कागदपत्रांची पडताळणी करण्यात आली. या कालावधीमध्ये अभियांत्रिकी अभ्यासक्रमासाठी २ लाख १३ हजारांपेक्षा अधिक विद्यार्थ्यांनी नोंदणी केली. त्यानंतर राज्य सामाईक प्रवेश परीक्षा कक्षामार्फत १९ जुलै रोजी सायंकाळी अभियांत्रिकी प्रवेशासाठी नोंदणी केलेल्या विद्यार्थ्यांची अंतरिम गुणवत्ता यादी संकेतस्थळावर जाहीर केली. या यादीवर हरकती व तक्रारी नोंदविण्यासाठी विद्यार्थ्यांना २० ते २२ जुलैदरम्यान मुदत देण्यात आली आहे. हरकती व तक्रारी दूर केल्यानंतर २४ जुलै रोजी अंतिम गुणवत्ता यादी संकेतस्थळावर जाहीर करण्यात येणार असल्याची माहिती राज्य सामाईक प्रवेश परीक्षा कक्षाकडून देण्यात आली आहे.
सीईटी कक्षातर्फे अभियांत्रिकीच्या पदवी अभ्यासक्रमांसाठीची प्रवेश परीक्षा यंदा १९ ते २७ एप्रिल या कालावधीत विविध सत्रांमध्ये घेण्यात आली. अखेरच्या सत्रामध्ये घेण्यात आलेल्या परीक्षेमध्ये काही प्रश्न चुकीचे असल्यासंदर्भात विद्यार्थ्यांनी तक्रारी केल्यामुळे त्या सत्रातील विद्यार्थ्यांसाठी ५ मे रोजी अतिरिक्त प्रवेश परीक्षा घेण्यात आली. एमएचटी सीईटीच्या भौतिकशास्त्र, रसानयशास्त्र आणि गणित (पीसीएम) गटासाठी नोंदणी केलेल्या विद्यार्थ्यांपैकी ४ लाख २२ हजार ६६३ विद्यार्थ्यांनी परीक्षा दिली होती. या परीक्षेचा निकाल १६ जून रोजी जाहीर करण्यात आला.
