विद्यार्थिनीचा विनयभंग करणाऱ्या कराटे प्रशिक्षकास सक्तमजुरी अन् ४२ हजारांचा दंड

एज्युवार्ता न्यूज नेटवर्क

कोरोना काळात  कराटे प्रशिक्षकाकडूनच त्याच्या विद्यार्थिनिचा विनयभंग झाल्याची संतापजनक घटना उघड झाली होती.  कराटे शिकण्यासाठी आलेल्या विद्यार्थिनींचा फिटनेस चेक करण्याच्या बहाण्याने कराटे प्रशिक्षकाने  विनयभंग (Karate teacher molested) केला होता. त्या प्रशिक्षकाला  न्यायालयाने पाच वर्षे सक्तमजुरी आणि ४२ हजार रुपये दंडाची शिक्षा (The court sentenced him to five years of hard labor and a fine of Rs. 42,000.) सुनावली आहे. विशेष न्यायाधीश (पोक्सो) कविता शिरभाते (Judge Kavita Shirbhate) यांनी हा निकाल दिला. दंड न भरल्यास दोन महिने अतिरिक्त साधा कारावास भोगावा लागेल असेही न्यायालयाने निकालात नमूद केले आहे.

घटनाक्रम काय ?

पुण्यातील धनकवडी बालाजीनगर येथील शंकर मालुसरे असे शिक्षा झालेल्या आरोपीचे  नाव आहे. या प्रकरणी, १७ वर्षीय पीडित विद्यार्थिनीने सहकारनगर पोलिस ठाण्यात फिर्याद दिली आहे. ८ ते १३ जून २०२० दरम्यान ही घटना घडली होती. मालुसरे हा कराटे शिक्षक आहे. तर, फिर्यादी ही त्याची विद्यार्थिनी आहे. ९ जून दिवशी ऑनलाइन कराटे क्लास घेण्यासाठी मालुसरे याने पीडितेस घरी बोलावले आणि विनयभंग केला होता. 

फिटनेस चेक करण्याचे निमित्त करुन विनयभंग

पीडितेच्या दिलेल्या फिर्यादीवरून सहकारनगर पोलिस ठाण्यात गुन्हा दाखल करण्यात आला. आरोपी शिक्षकाविरोधात गुन्हा दाखल करण्यात आल्याची माहिती समजल्यानंतर अन्य तीन विद्यार्थिनींनी तपासी अधिकारी यांच्याकडे जाऊन त्यांच्यासोबत झालेली घटना सांगितली. यावेळी, आरोपी २०१८ पासून हा प्रकार करत असल्याचे समोर आल्यानंतर गुन्ह्याचे गांभीर्य समोर आले. त्यानंतर, पोलिसांनी सखोल तपास करत आरोपीविरोधात न्यायालयात दोषारोपपत्र दाखल केले.