TAIT परीक्षेच्या निकालाला विलंब का?; 'या' कारणामुळे ठेवला राखून 

एज्युवार्ता न्यूज नेटवर्क

महाराष्ट्र राज्य परीक्षा परिषदेचा (Maharashtra State Examination Council) महाराष्ट्र शिक्षक अभियोग्यता आणि बुद्धिमत्ता चाचणी (MAHA TAIT Exam 2025) २०२५ परीक्षेचा निकाल तयार आहे. मात्र, शैक्षणिक वर्षे २०२४-२५ मध्ये उत्तीर्ण झालेल्या डी.एड, बी.एड उमेदवारांनी (D.Ed, B.Ed candidates) अंतिम वर्षाचे गुणपत्रक (Final year mark sheet) संबंधित संकेतस्थळावर प्रसिद्ध न केल्याने विद्यार्थ्यांचा निकाल राखून ठेवण्यात आला आहे. त्यामुळे उमेदवारांनी दिलेल्या मुदतीमध्ये अंतिम वर्षाचे गुणपत्रक अपलोड करणे आवश्यक आहे. दरम्यान, जुलैच्या पहिल्या आठवड्यात निकाल जाहीर करण्याचे नियोजन होते. मात्र, बी. एड आणि डी. एड च्या अंतिम वर्षात शिक्षण घेणाऱ्या विद्यार्थ्यांना या परीक्षेसाठी संधी देण्यात आली. आता या विद्यार्थ्यांमुळेच ऑनलाईन परीक्षा घेऊनही लवकर निकाल करणे शक्य होत नसल्याचे बोलले जात आहे.

महाराष्ट्र राज्य परीक्षा परिषदेकडून घेण्यात आलेल्या शिक्षक अभियोग्यता आणि बुद्धिमत्ता चाचणी परीक्षेसाठी यंदा बी. एड आणि डी. एड च्या अंतिम वर्षाच शिक्षण घेणाऱ्या विद्यार्थ्यांना या परीक्षेला बसण्याची देण्यात आली होती. मात्र, त्यावेळी हे सुद्धा नमूद करण्यात आले होते की, अंतिम वर्षाचे गुणपत्रक संकेतस्थळावर अपलोड केल्याशिवाय निकाल जाहीर करण्यात येणार नाही. त्यानुसार २०२४-२५ मध्ये बी. एड आणि डी. एड उत्तीर्ण झालेल्या उमेदवारांना https://www.mscepune.in/dtedola/TAIT2025InfoAppear.aspx लिंकवर आपले गुणपत्रक विहित नमुण्यात प्रसिद्ध करावे लागणार आहे.

पवित्र पोर्टल बंद होणार ? शिक्षण राज्यमंत्र्यांनी स्पष्टच सांगितलं..

Tait परीक्षा राज्यातील विविध परीक्षा केंद्रांवर ऑफलाइन पद्धतीने घेण्यात आली. पात्रता चाचणीला बसणारे उमेदवार परीक्षेतील त्यांची पात्रता स्थिती जाणून घेण्यासाठी निकाल जाहीर होण्याची आतुरतेने वाट पाहत आहेत. MAHA TAIT निकाल २०२५ हा स्कोअरकार्ड स्वरूपात जाहीर केला जाईल, ज्यामध्ये उमेदवाराचे नाव, प्रत्येक विभागात मिळालेले गुण, एकूण गुण, पात्रता स्थिती इत्यादींचा समावेश असेल.

View this post on Instagram

A post shared by Eduvarta News (@eduvarta_news)

महाराष्ट्र राज्य परीक्षा परिषदेने (MSCME) सरकारी अनुदानित शाळांमधील प्राथमिक आणि माध्यमिक शिक्षकांसाठी उमेदवारांच्या पात्रतेचे मूल्यांकन करण्यासाठी MAHA TAIT (महाराष्ट्र शिक्षक अभियोग्यता आणि बुद्धिमत्ता चाचणी) परीक्षा यशस्वीरित्या पार पाडली आहे. MAHA TAIT परीक्षा २७ ते ३० मे, २ ते ५ जून २०२५ या कालावधीत घेण्यात आली. परीक्षेत सहभागी झालेल्या उमेदवारांना कळविण्यात येते की MАНА TAIT परीक्षेचा निकाल २०२५ आणि स्कोअर कार्ड जुलै २०२५ मध्ये www.mscepune.in या अधिकृत वेबसाइटवर प्रसिद्ध केले जाईल.