ना MBBS, ना कसली प्रॅक्टीस दहावी - बारावी करून थेट डॉक्टरच

एज्युवार्ता न्यूज नेटवर्क  

NEET UG परीक्षेतील (Exam) कथित पेपर लिक प्रकरणानंतर वैद्यकीय क्षेत्रातील आणखी एक धक्कादायक प्रकरण समोर आले आहे. फक्त 10 वी, 12 वी पास विद्यार्थ्यांना MBBS ची डिग्री दिल्याची (12^th or intermediate pass students became ‘doctors’) घटना राजस्थान मेडिकल कौन्सिलमधून (Rajasthan Medical Council) उघड झाली आहे. आश्चर्याची बाब म्हणजे, या तोतया डॉक्टरांनी महाराष्ट्रासह इतर अनेक राज्यांच्या वैद्यकीय परिषदेत नोंदणी आणि एनओसीची बनावट कागदपत्रे (Forged documents of registration and NOC) सादर केली होती.

समोर आलेल्या माहितीनुसार, राजस्थानमधील मेडिकल कौन्सिलने अशा अनेक अपात्र लोकांची नोंदणी करून त्यांना डॉक्टर बनवले होते. ज्याने एमबीबीएसचे शिक्षण घेतले नाही. त्यापैकी काही जण फक्त 12वी उत्तीर्ण आहेत, जे बनावट मार्गाने डॉक्टर बनले आहेत. 

राजस्थान मेडिकल कौन्सिलमध्ये मोठा घोटाळा उघडकीस आला आहे. परिषदेने पदवी न पाहता बनावट कागदपत्रांच्या आधारे अनेकांना डॉक्टर बनवले. इतकंच नाही तर, अनेकांकडे एमबीबीएसची पदवी नव्हती किंवा इंटर्नशिपही केलेली नव्हती. हा घोटाळा उघडकीस आल्यानंतर सरकारने मोठी कारवाई करत परिषदेचे कुलसचिव  डॉ. राजेश शर्मा (Council Secretary Dr. Rajesh Sharma) यांना तत्काळ निलंबित केले. 

राजस्थानचे वैद्यकीय मंत्री गजेंद्र सिंह खींवसर (Rajasthan Medical Minister Gajendra Singh Khinsar) म्हणाले की, अहवालानुसार, नोंदणी जारी करताना प्रथमदर्शनी काही प्रक्रियात्मक त्रुटी समोर आल्या आहेत. याशिवाय नोंदणीतील निष्काळजीपणा आणि अनियमितता यासंबंधीचे तथ्यही समोर आले आहे. त्यामुळे कुलसचिवांना तडकाफडकी निलंबित करण्यात आले आहे. बनावट नोंदणी जारी करणे ही गंभीर बाब आहे. आपण त्याच्या तळाशी जाऊ. बनावट नोंदणीप्रकरणी चौकशी समितीच्या अहवालात दोषी आढळणाऱ्या अधिकारी व कर्मचाऱ्यांवर कडक कारवाई करण्यात येईल."