कुलगुरूंच्या विरोधातील सागर वैद्य यांचे ठिय्या आंदोलन स्थगित
विद्यापीठाच्या व्यवस्थापन परिषदेचे सदस्य सागर वैद्य यांनी विद्यापीठाची अधिसभा सुरू असताना मुख्य इमारतीबाहेर ठिय्या आंदोलन सुरू केले होते.गेस्टहाऊस मधील सीसीटीव्ही फुटेज उपलब्ध करून द्यावे,असे पत्र एका संघटनेने विद्यापीठाला दिले होते.
eduvarta@gmail.com 
एज्युवार्ता न्यूज नेटवर्क
सावित्रीबाई फुले पुणे विद्यापीठाच्या कुलगुरूंविरोधात आंदोलन करणारे विद्यापीठाच्या व्यवस्थापन परिषदेचे सदस्य सागर वैद्य यांनी रविवारी दुपारी साडेचार वाजण्याच्या सुमारास विद्यापीठाच्या मुख्य इमारतीच्या आवारात दोन दिवसांपासून सुरू केलेले आंदोलन स्थगित केले. राज्याचे उच्च व तंत्र शिक्षण मंत्री चंद्रकांत पाटील यांनी विद्यापीठच्या व्यवस्थापन परिषदेचे ज्येष्ठ सदस्य राजेंद्र विखे पाटील यांच्याशी वैद्य यांच्या आंदोलनाबाबत चर्चा केली.त्यानंतर चंद्रकांत पाटील हे विद्यापीठातील या प्रकाराबाबत लक्ष घालणार असल्याने व्यवस्थापन परिषद सदस्य व अधिसभा सदस्य यांच्याशी चर्चा करून सध्या आंदोलन स्थगित करत असल्याचे वैद्य यांनी जाहीर केले.
विद्यापीठाच्या व्यवस्थापन परिषदेचे सदस्य सागर वैद्य यांनी विद्यापीठाची अधिसभा सुरू असताना मुख्य इमारतीबाहेर ठिय्या आंदोलन सुरू केले होते.गेस्टहाऊस मधील सीसीटीव्ही फुटेज उपलब्ध करून द्यावे,असे पत्र एका संघटनेने विद्यापीठाला दिले होते.त्यावरून वैद्य यांनी कुलगुरू यांच्या विरोधात गंभीर आरोप करून आंदोलन सुरू केले होते.दरम्यान, सागर वैद्य यांनी याबाबत चतुशृंगी पोलिसात तक्रार अर्ज दिला आहे.
दुपारी शिक्षणमंत्री यांनी फोनवरून सागर वैद्य यांच्याशी चर्चा केली. मुख्यमंत्री यांनी विद्यापीठातील प्रकार गांभीर्याने घेतले आहे. लवकरच योग्य ती कार्यवाही केली जाईल असे आश्वासन दिले. तसेच, कार्यकर्ते म्हणून आपल्या प्रकृतीची काळजी वाटत असल्याने आपण आंदोलन स्थगित करावे अशी सूचना केली. त्यानुसार प्रकुलगुरू डॉ. पराग काळकर, राजेंद्र विखे पाटील यांनी आंदोलनस्थळी येवून वैद्य यांचेशी चर्चा केली. संध्याकाळी प्रसेनजित फडणवीस, बागेश्री मंथाळकर, सिनेट सदस्य, विद्यार्थी कर्मचाऱ्यांच्या उपस्थितीत वैद्य यांनी संध्याकाळी आंदोलन स्थगित केले.
घटनाक्रम नेमके काय घडले
मुख्यमंत्री यांची सूचना आणि उच्चशिक्षणमंत्री यांच्याशी झालेल्या चर्चेनंतर सागर वैद्य यांचे आंदोलन स्थगित
गेली दोन दिवस विद्यापीठाच्या सिनेट बैठक विद्यार्थी प्राध्यापकांचे प्रश्न, गैरकारभार, अनियमितता, ब्लॅकमेलिंग,गुंडगिरी विरुद्ध आंदोलनांनी, चर्चांनी गाजली. सदस्य सागर वैद्य यांच्या कुटुंबियांची सोशल मीडियावर cctv visual वापरून बदनामी करण्याचा कट कुलगुरू कार्यालयात चर्चिला गेल्याचा मुद्दावरून सभागृहात रणकंदन झाले. कुलगुरूंच्या निलंबनाची मागणी करत वैद्य यांनी बेमुदत ठिय्या आंदोलन सुरू केले.या विषयी सागर वैद्य यांनी शनिवारी मध्यरात्री कुलगुरू सुरेश गोसावी यांच्याविरोधात तक्रार दाखल केली. यावेळी विद्यापीठाच्या व्यवस्थापन परिषद सदस्य बागेश्री मंथाळकर, सिनेट सदस्य शंतनू लामधाडे, कृष्णा भंडाळकर, राहुल पाखरे, अमोल घोलप, संजय कीर्तने आदींसह अनेक विद्यार्थी हजर होते.
या आंदोलनाची दखल मुख्यमंत्री, उच्च शिक्षणमंत्री यांनी आढावा घेतला.दुपारी शिक्षणमंत्री यांनी फोनवरून सागर वैद्य यांच्याशी चर्चा केली. मुख्यमंत्री यांनी विद्यापीठातील प्रकार गांभीर्याने घेतले आहे. लवकरच योग्य ती कार्यवाही केली जाईल, असे आश्वासन दिले. तसेच, कार्यकर्ते म्हणून आपल्या प्रकृतीची काळजी वाटत असल्याने आपण आंदोलन स्थगित करावे अशी सूचना केली. त्यानुसार प्रकुलगुरू डॉ. पराग काळकर, राजेंद्र विखे पाटील यांनी आंदोलनस्थळी येवून वैद्य यांचेशी चर्चा केली. संध्याकाळी प्रसेनजित फडणवीस, बागेश्री मंथाळकर, सिनेट सदस्य, विद्यार्थी कर्मचाऱ्यांच्या उपस्थितीत वैद्य यांनी संध्याकाळी आंदोलन स्थगित केले.
