NEET UG 2024 : समुपदेशनाच्या पहिल्या फेरीचा निकाल जाहीर
दुसऱ्या फेरीचा निकाल १३ सप्टेंबरला जाहीर होणार असून, विद्यार्थ्यांना २० सप्टेंबरपर्यंत नियुक्त महाविद्यालयात कळवावे लागेल आणि प्रवेश घ्यावा लागेल.
eduvarta@gmail.com 
एज्युवार्ता न्युज नेटवर्क
वैद्यकीय सल्लागार समितीने (MCC) NEET UG 2024 समुपदेशनाच्या (Counseling) पहिल्या फेरीचा निकाल जाहीर ( First Round Result Declared) केला आहे.यामध्ये निवड झालेल्या विद्यार्थ्यांना विविध केंद्रीय अनुदानित (Centrally funded) वैद्यकीय (medical), दंत (dental) आणि नर्सिंग महाविद्यालयांमध्ये (College of Nursing) तसेच विविध राज्यांतील संस्थांमध्ये अखिल भारतीय कोटा (AIQ) अंतर्गत पदवी अभ्यासक्रमांमध्ये प्रवेश (Admission) घेता येणार आहे.
या निकालांतर्गत पहिल्या टप्प्यात सहभागी झालेल्या विद्यार्थ्यांना MCC वाटप केलेल्या जागांची माहिती देईल. त्यानंतर 24 ते 29 ऑगस्ट या कालावधीत विद्यार्थ्यांना वाटप केलेल्या सीटशी संबंधित कॉलेजमध्ये रिपोर्ट करून जॉईनिंग घ्यावे लागणार आहे. यानंतर ३० ते ३१ ऑगस्ट या कालावधीत संबंधित संस्थांनी सामील झालेल्या विद्यार्थ्यांची यादी एमसीसीकडे जमा करायची आहे.
NEET UG 2024 समुपदेशनाच्या पहिल्या टप्प्यातून शिल्लक राहिलेल्या जागांसाठी MCC द्वारे दुसरा टप्पा आयोजित केला जाईल. या दुसर्या फेरीसाठी 5 ते 10 सप्टेंबर पर्यंत नोंदणी करता येईल. दरम्यान, विद्यार्थ्यांना 6 ते 10 सप्टेंबर दरम्यान त्यांच्या पसंतीच्या जागांचे चॉईस फिलिंग आणि लॉकिंग करावे लागेल. यानंतर दुसऱ्या फेरीचा निकाल १३ सप्टेंबरला जाहीर होणार असून, विद्यार्थ्यांना २० सप्टेंबरपर्यंत नियुक्त महाविद्यालयात कळवावे लागेल आणि प्रवेश घ्यावा लागेल.
