CTE Cell: सीईटी सेलकडून प्रवेश प्रक्रियेचे सुधारित वेळापत्रक प्रसिद्ध
येत्या ११ जुलैपासून हॉटेल मॅनेजमेंट 12 जुलैपासून एमबीए व बी. फार्मसी तर अनुक्रमे 15 व 16 जुलैपासून डायरेक्ट सेकंड ईअर इंजीनियरिंग व फार्मसी अभ्यासक्रमाची प्रवेश प्रक्रिया सुरू होणार आहे.
Eduvarta
एज्युवार्ता न्यूज नेटवर्क
राज्य सामायिक प्रवेश परीक्षा कक्षातर्फे (State Common Entrance Test Cell- CTE Cell) काही व्यावसायीक अभ्यासक्रमाच्या प्रवेश प्रक्रियेला (admission process for professional courses)सुरुवात करण्यात आली आहे. एमसीए , पाच वर्षे एलएलबी अभ्यासक्रमाची प्रवेश प्रक्रिया सुरू झाली असून उर्वरित अभ्यासक्रमाच्या प्रवेश प्रक्रियेचे सुधारित वेळापत्रक (Revised schedule of admission process) प्रसिद्ध करण्यात आले आहे. त्यानुसार 11 जुलै ते 18 जुलै या कालावधीमध्ये बहुतांश सर्व अभ्यासक्रमाच्या प्रवेश प्रक्रिया सुरू होणार आहेत. त्यात इंजिनिअरिंग अभ्यासक्रमाची प्रवेश प्रक्रिया (Engineering course admission process)येत्या 14 जुलैपासून सुरू होणार आहे.
सीईटी सेलच्या माध्यमातून एमसीए, पाच वर्षे एलएलबी अभ्यासक्रमाची प्रवेश प्रक्रिया नुकतीच सुरू करण्यात आली आहे. आता येत्या ११ जुलैपासून हॉटेल मॅनेजमेंट 12 जुलैपासून एमबीए व बी. फार्मसी तर अनुक्रमे 15 व 16 जुलैपासून डायरेक्ट सेकंड ईअर इंजीनियरिंग व फार्मसी अभ्यासक्रमाची प्रवेश प्रक्रिया सुरू होणार आहे.
उच्च शिक्षण विभागाअंतर्गत राबविल्या जाणाऱ्या तीन वर्षे एलएलबी अभ्यासक्रम व बीएड, एम एड, बीपी एड,एम.एड अभ्यासक्रमाची प्रवेश प्रक्रिया 11 ते 13 जुलै या कालावधीत सुरू केली जाणार आहे,असे सीईटी सेलतर्फे परिपत्रकाद्वारे प्रसिद्ध करण्यात आले आहे.
