UGC NET डिसेंबर परीक्षेसाठी नोंदणी सुरू, 1 जानेवारीपासून परीक्षा 

एज्युवार्ता न्यूज नेटवर्क 

यूजीसी नेट डिसेंबर परीक्षेसाठी (UGC NET December Exam) अधिसूचना प्रसिद्ध (Notification issued) करण्यात आली आहे. परीक्षेसाठी अर्ज करण्याची प्रक्रिया सुरू (Application process for the exam begins) झाली असून परीक्षेसाठीचे येत्या 10 डिसेंबरपर्यंत अर्ज स्वीकारले जातील. इच्छुक आणि पात्र उमेदवार https://ugcnet.nta.ac.in या अधिकृत वेबसाइटला भेट देऊन परीक्षेसाठी अर्ज करू शकतात.

नॅशनल टेस्टिंग एजन्सीने प्रसिद्ध केलेल्या वेळापत्रकानुसार, UGC NET डिसेंबर परीक्षेसाठी ऑनलाइन अर्ज नोंदणीला सुरुवात झाली आहे. अर्ज करण्याची अंतिम मुदत 10 डिसेंबर (रात्री 11:50) पर्यंत देण्यात आली आहे. तर परीक्षेसाठी फी जमा करण्याची शेवटची तारीख 11 डिसेंबर रोजी रात्री 11:50 पर्यंत आहे. UGC NET डिसेंबर परीक्षेच्या फॉर्ममध्ये दुरुस्ती करण्याची शेवटची तारीख 13 डिसेंबर रोजी रात्री 11:50 पर्यंत आहे. UGC राष्ट्रीय पात्रता परीक्षा डिसेंबर 2024 (UGC NET डिसेंबर 2024) 1 ते 19 जानेवारी 2025 दरम्यान आयोजित केली जाईल. परीक्षा यशस्वीरित्या पूर्ण झाल्यानंतर तात्पुरती उत्तर की प्रसिद्ध केली जाईल. 

UGC NET डिसेंबर परीक्षेसाठी अर्ज करणाऱ्या सामान्य श्रेणीतील उमेदवारांना 1 हजार 150 रुपये अर्ज शुल्क आकारण्यात येणार आहे. तर EWS आणि OBC श्रेणींसाठी 600 रुपये आणि इतर श्रेणीतील उमेदवारांसाठी 325 रुपये भरावे लागतील. NTA संगणक आधारित चाचणी (CBT) मोडमध्ये UGC NET परीक्षा आयोजित करेल. ही परीक्षा ८५ विषयांसाठी घेतली जाणार आहे.