नोकरीची मोठी संधी! धर्मादाय आयुक्त कार्यालयात विविध पदांसाठी भरती प्रक्रिया सुरू

एज्युवार्ता न्यूज नेटवर्क

महाराष्ट्र शासन धर्मादाय आयुक्त कार्यालयामार्फत (Maharashtra Government Charity Commissioner's Office) विविध पदांसाठी भरती प्रक्रिया (Recruitment process for various posts begins) राबवण्यात येत आहे. यासाठी जाहिरात प्रसिद्ध (Advertisement published) करण्यात आली असून त्यासाठी इच्छुक आणि पात्र उमेदवारांकडून अर्ज मागवण्यात येत आहेत. अर्ज करण्याची प्रक्रिया, पात्रता निकष आणि महत्त्वाच्या तारखांची माहिती या जाहिरातीमध्ये देण्यात आली आहे. धर्मादाय आयुक्त कार्यालयाचे अधिकृत संकेतस्थळ charity.maharashtra.gov.in यावर जाऊन उमेदवार अर्ज भरू शकतात. या भरतीसाठी अर्ज करण्याची शेवटची तारीख 3 ऑक्टोबर 2025 (Deadline 3 October 2025) असणार आहे.

भावी शिक्षकांसाठी मोठी बातमी! परीक्षा परीषदेकडून TET परीक्षेसाठी अर्ज प्रक्रिया सुरू

या भरती मोहिमेअंतर्गत गट ब (अराजपत्रित) आणि गट क या संवर्गातील एकूण 179 पदे भरली जाणार आहेत. धर्मादाय आयुक्त कार्यालयात विधी सहाय्यक, लघुलेखक (उच्च श्रेणी), लघुलेखक (कनिष्ठ श्रेणी), निरीक्षक आणि वरिष्ठ लिपिक पदांसाठी भरती होणार आहे. यामध्ये विधी सहाय्यक -3 पदे, लघुलेखक (उच्च श्रेणी) -2 पदे, लघुलेखक (कनिष्ठ श्रेणी) -22 पदे, निरीक्षक - 121 पदे आणि वरिष्ठ लिपिक- 31 पदांचा समावेश आहे. यासाठी विहित शैक्षणिक पात्रता आणि अनुभव आवश्यक आहे.

अर्ज करण्याची अंतिम तारीख 3 ऑक्टोबर 2025 असून, उमेदवार रात्री 11:55 पर्यंत ऑनलाइन अर्ज करू शकतात. उमेदवारांना ऑनलाइन पद्धतीने अर्ज करायचा आहे. अर्जासोबत आवश्यक कागदपत्रे अपलोड करणे अनिवार्य आहे. अर्ज शुल्क खुल्या प्रवर्गासाठी 1 हजार रुपये आहे, तर मागासवर्गीय आणि अनाथ प्रवर्गातील उमेदवारांसाठी 900 रुपये आहे. माजी सैनिक आणि दिव्यांग माजी सैनिकांना शुल्क माफ आहे. शुल्क केवळ ऑनलाइन पद्धतीने भरता येणार आहे. उमेदवारांनी अर्ज भरण्यापूर्वी जाहिरात काळजीपूर्वक वाचून घ्यावी आणि अंतिम मुदतीपूर्वी अर्ज सादर करावा, असे आवाहन करण्यात आले आहे.