सीआयएसएफ अंतर्गत १,१२४ पदांसाठी भरती प्रक्रिया सुरू
केंद्रीय सुरक्षा औद्योगिक बल अंतर्गत कॉन्स्टेबल (ड्रायव्हर) आणि काॅन्स्टेबल (ड्रायव्हर कम पंप ऑपरेटर) पदांच्या एकूण १ हजार १२४ रिक्त जागांच्या भरती प्रक्रियेसाठी जाहिरात प्रसिद्ध करण्यात आली आहे.
eduvarta@gmail.com 
एज्युवार्ता न्यूज नेटवर्क
भारतीय सैन्यात नोकरी करण्याची इच्छा असणाऱ्या उमेदवारांसाठी महत्त्वाची अपडेट समोर आली आहे. केंद्रीय सुरक्षा औद्योगिक बल (CISF) अंतर्गत कॉन्स्टेबल (ड्रायव्हर) आणि काॅन्स्टेबल (ड्रायव्हर कम पंप ऑपरेटर) (Constable (Driver) and Constable (Driver) cum Pump Operator) पदांच्या एकूण १ हजार १२४ रिक्त जागांच्या भरती प्रक्रियेसाठी जाहिरात प्रसिद्ध (Advertisement published) करण्यात आली आहे. प्रसिद्ध करण्यात आलेल्या अधिसूचनेनुसार दहावी उत्तीर्ण उमेदवारांना नोकरीची संधी देण्यात आली आहे.
भरती प्रक्रियेसाठी इच्छुक आणि पात्र उमेदवारांकडून ३ फेब्रुवारीपासून अर्ज मागविण्यात येत आहेत. अर्ज ऑनलाईन पद्धतीने करावा लागणार आहे. त्यासाठी उमेदवार अधिकृत संकेतस्थळ https://www.cisf.gov.in/ वर जाऊन अर्ज भरू शकतात. अर्ज करण्याची अंतिम मुदत ४ मार्च २०२५ पर्यंत असणार आहे. अर्ज भरणारा उमेदवार हा कोणत्याही शासन मान्य बोर्डातून दहावी उत्तीर्ण असणे आवश्यक आहे. तसेच त्याच्याकडे अवजड वाहन चालवण्याचा परवाना असणे आवश्यक आहे.
काॅन्स्टेबल (ड्रायव्हार) पदासाठी ८४५ जागा तर काॅन्स्टेबल (ड्रायव्हर) कम पंप ऑपरेटर पदासाठी २७९ जागा भरल्या जाणार आहेत. या भरती प्रक्रियेत सहभागी होणाऱ्या उमेदवारांचे कमान वय २१ पूर्ण असणे आवश्यक आहे. तर कमाल वयोमर्यादा २७ वर्षे पेक्षा अधिक नसावी. तसेच सर्व प्रवर्गातील उमेदवारांना १०० रुपये परीक्षा शुल्क भरावा लागणार आहे.
